Ministri Reçica viziton edhe Qendrat e Aftësimit Profesional në Prizren, Gjakovë dhe Pejë

04/04/2018 Institucionet

Në javën e promovimit të aftësimit profesional, Ministri i Punës dhe Mirëqenies Sociale, Skender Reçica, vizitoi edhe Qendrat e Aftësimit Profesional(QAP) në Prizren, Gjakovë dhe Pejë, ku takoi shumë kandidatë, të rinj dhe të reja, që po ndjekin kurse të aftësimit në këto qendra. Në Prizren, ministri takoi edhe të certifikuarën, Natyra Muhameti e cila ka përfunduar trajnimin në rrobaqepësi dhe vetëpunësim, si dhe ka hapur biznesin e saj privat. Tutje, ministri vizitoi QAP në Gjakovë dhe Pejë, ku pa nga afër punën që po bëhet në këto qendra aftësuese. Në Pejë, ministri takoi Blerim Zekajn, i certifikuar në zdrukthëtari dhe ka hapur biznesin e tij ndërkaq në Pejë, takoi Krenare Gorancin e certifikuar në profesionin floktari e cila po ashtu ka hapur biznesin e saj. Nga të certifikuarit, ministri u njoftua rreth përfitimeve që ata kanë nxjerrë nga trajnimet në QAP dhe bizneseve që kanë hapur, në bazë të njohurive të marra në këto qendra. “Sot vizitova Qendrat e Aftësimit Profesional që Prizren, Gjakovë dhe Pejë. Nga përfaqësuesit e qendrave dhe kandidatët që po ndjekin kurse aktualisht, u njoftova rreth aftësimeve që ata po marrin në profilet përkatëse. Takova edhe shumë të rinj e të reja që janë certifikuar pranë këtyre qendrave në profile të ndryshme dhe kanë hapur bizneset e tyre. Kjo është edhe një arsye më shumë për t’i ftuar sa më shumë qytetarë që të regjistrohen pranë Zyrave të Punësimit dhe të vizitojnë Qendrat e Aftësimit Profesional”, tha ministri Reçica. Ministri shtoi se aftësimi profesional, në kuadër të masave aktive të tregut të punës, i paraprinë punësimit dhe si i tillë bënë pjesë në prioritetet kyçe të MPMS-së. Në javën e promovimit të aftësimit profesional, ministri Reçica paraprakisht ka vizituar QAP në Prishtinë, Mitrovicë, Gjilan dhe Ferizaj.

Kontrolloni gjithashtu

Kuvendi komunal i Rahovecit mbajti mbledhjen e rregullt të njëmbëdhjetën për këtë vit kalendarik

Udhëhequr nga Kryesuesi – Arbër Zenuni, u mbajt seanca e muajit nëntor, e njëmbëdhjeta e …

Radio Kosova e Lirë 94.2 FM
Kjo web faqe mirëmbahet nga Radio Kosova e Lirë. Materialet dhe informacionet të cilat janë pronë e radios Kosova e Lirë dhe redaksisë “Dëshmorët e UÇK-së” nuk mund të kopjohen, të shtypen, ose të përdoren në çfarëdo forme tjetër për qëllime përfitimi. Radio Kosova e Lirë mban të drejtat e rezervuara sipas dispozitave ligjore për të drejtat e autorit dhe pronës intelektuale. © Copyright 2005 - 2024, Të gjitha të drejtat e rezervuara