Radio Kosova e Lirë Radio-Kosova e Lirë, Radio e luftës çlirimtare, paqes dhe bashkimit kombëtar, Zëri i lirisë, besnikja e pavarësisë dhe e bashkimit të shqiptarëve.
Tema të tjera...
Deputetja e Lidhjes Demokratike
të Kosovës, Vjosa Osmani konsideron se ministri i Jashtëm, Hashim Thaçi duhet të
jap dorëheqje pas dështimeve në politikën e jashtme. Duke përmendur mos-anëtarësimin
e vendit në UNESCO, deputetja Osmani ka thënë se kjo ka krijuar një precedent
shumë të rrezikshëm për anëtarësimin e Kosovës në organizata të tjera. “Në
aspektin dypalësh, çështja e njohjeve është lënë tërësisht anash, siç shihet
edhe nga rezultati dëshpërues këtë vit. Me një njohje të vetme për këtë vit
(nga shtete anëtare të Kombeve të Bashkuara), diplomacia e udhëhequr nga Hashim
Thaçi ka rënë në pikën më të ulët që nga shpallja e pavarësisë, në vitin 2008.
Një trend i tillë i njohjeve rrezikon seriozisht proceset shtet-ndërtuese të
Kosovës dhe rrjedhimisht edhe anëtarësimin në Kombe të Bashkuara si qëllim
final të këtij procesi”, ka vlerësuar deputetja, Vjosa Osmani. Ajo ka shtuar se
për këto dështime, Thaçi do të duhej të jepte dorëheqje ose të zëvendësohej me
dikë tjetër nga kryeministri.
