Radio Kosova e Lirë Radio-Kosova e Lirë, Radio e luftës çlirimtare, paqes dhe bashkimit kombëtar, Zëri i lirisë, besnikja e pavarësisë dhe e bashkimit të shqiptarëve.
Tema të tjera...
Diplomatët ndërkombëtarë, nuk mbështesin idenë për rinegocimin e vendimit për themelimin e AKS-së, ndërkohë që kanë kërkuar nga institucionet e vendit që të vazhdojnë përgatitjen e statutit të Asociacionit të Komunave me shumicë serbe. Sipas tyre, Kushtetuesja jep udhëzime që themelimi i Asociacionit të bëhet sipas Kushtetutës së vendit. Ata i kanë dhënë mbështetje të plotë interpretimit të Gjykatës Kushtetuese lidhur me Marrëveshjen për Asociacionin e Komunave me shumicë serbe, por kundërshtojnë propozimin e opozitës dhe analistëve që marrëveshja të rinegociohet. Diplomatët pretendojnë se Gjykata Kushtetutese në mënyrë të qartë thotë se Asociacioni do të themelohet sipas marrëveshjes së Brukselit dhe jep udhëzime për t’u siguruar që themelimi i tij bëhet sipas Kushtetutës dhe ligjeve të vendit. Opozita këtë vendim të Kushtetueses e konsideron të favoreshëm dhe kërkon dorëheqjen e Qeverisë, ndërkohë që pozita pretendon se nuk ka gabuar fare që ka nënshkruar marrëveshjen, edhe pse Gjykata kushtetuese ka evidentuar shumë shkelje që bien ndesh me Kushtetutën.
