Radio Kosova e Lirë Radio-Kosova e Lirë, Radio e luftës çlirimtare, paqes dhe bashkimit kombëtar, Zëri i lirisë, besnikja e pavarësisë dhe e bashkimit të shqiptarëve.
Tema të tjera...
Në shënim të 17-vjetorit të Betejës te “Tabet e Llapashticës”, në Llapashticë të Besianës, veteranët e UÇK-së të Zonës Operative së Llapit u kanë drejtuar kritika të shumta institucioneve shtetërore dhe atyre që përfaqësojnë shoqatat e dala nga lufta. Përfaqësuesi i Brigadës 151 “Zahir Pajaziti”, Ajet Potera, pasi ka folur për qëndresën dhe heroizmin e luftëtarëve të UÇK-së në këtë betejë, ka thënë se sot, shumë gjëra nuk janë ashtu siç i kanë ëndërruar dhe idealizuar luftëtarët e lirisë. Sot është aktuale çështja e veteranëve të luftës, që fatkeqësisht UÇK-në, e ndanë në dy periudha, Ushtrinë Çlirimtare të Kosovës të viteve 1998-1999 dhe Ushtrinë Çlirimtare të Kosovës të vitit 2015. Kjo e fundit është shndërruar në një korporatë për të zënë punë edhe ata që nuk kanë qenë fare në luftë, ose kanë qenë kundër saj. Veterani, Ajet Potera ka thënë veç tjerash se shoqatat e dala nga lufta e UÇK-së, të nivelit qendror nuk janë në nivelin e përgjegjësisë dhe nuk përfaqësojnë interesin meritor të kategorive të luftës.
