Në komunën e Hanit të Elezit u përurua libri ,,Buzëqeshje Lirie” të autorit Shaban Çupi

06/04/2018 Institucionet

Autori i librit ,,Buzëqeshje Lirie”, në ambient institucional, bëri përurimin e veprës së tij të radhës e cila i kushtohet dëshmorit Gafurr Luma nga fshati Qafshqipe (Glloboshicë) të Kaçanikut, rënë në masakrën e pushtuesit serb në burgun e Dubravës më 22 maj 1999. Ky libër (poemë) botohet me rastin e 57 vjetorit të lindjes së dëshmorit dhe në 19 vjetorin e rënies. Dëshmori Gafurr Luma ishte dy herë i burgosur politik dhe nga 38 vite sa jetoi, 20 vite i kishte në shërbim të atdheut dhe lirisë. Vëllau i Gafurrit, Qaniu është dëshmori tjetër i kësaj familje i cili ra në fushëbetejat e fshatit Ivajë, më 8 mars 1999 si ushtar i Brigadës 162 ,,Agim Bajrami’’ të UÇK-së. Autori, Shaban Çupi, ishte bashkëvuajtës në burgje me dëshmorin Gafurr Luma dhe nëpërmjet vargjeve të kësaj poeme, ka skalitur qëndresën dhe sakrificën e dëshmorit për liri. Vlenë të theksohet se në burgun e Dubravës, pos Gafurr Lumës, nga komuna e Kaçanikut kanë rënë edhe prof. Mejdi Dalloshi, Mr. Tefik Raka, Danush Kurtaj dhe 17 vjeçari nga Hani i Elezit, dëshmori Suad Brava. Në fund, autori shpërndau libra edhe për Bibliotekën e qytetit, ndërsa kryetari i komunës së Hanit të Elezit Rufki Suma, falënderoi autorin, njëherit duke i uruar edhe suksese të tjera në shkrime për ata që për liri dhanë më të shtrenjtën.

Kontrolloni gjithashtu

Kuvendi komunal i Rahovecit mbajti mbledhjen e rregullt të njëmbëdhjetën për këtë vit kalendarik

Udhëhequr nga Kryesuesi – Arbër Zenuni, u mbajt seanca e muajit nëntor, e njëmbëdhjeta e …

Radio Kosova e Lirë 94.2 FM
Kjo web faqe mirëmbahet nga Radio Kosova e Lirë. Materialet dhe informacionet të cilat janë pronë e radios Kosova e Lirë dhe redaksisë “Dëshmorët e UÇK-së” nuk mund të kopjohen, të shtypen, ose të përdoren në çfarëdo forme tjetër për qëllime përfitimi. Radio Kosova e Lirë mban të drejtat e rezervuara sipas dispozitave ligjore për të drejtat e autorit dhe pronës intelektuale. © Copyright 2005 - 2024, Të gjitha të drejtat e rezervuara