Radio Kosova e Lirë Radio-Kosova e Lirë, Radio e luftës çlirimtare, paqes dhe bashkimit kombëtar, Zëri i lirisë, besnikja e pavarësisë dhe e bashkimit të shqiptarëve.
Tema të tjera...
Në ditën e Kushtetutës së Republikës së Kosovës, drejtuesit e Lëvizjes Vetëvendosje kanë folur mbi pamjaftueshmërinë e kësaj Kushtetute dhe shkeljet që i kanë bërë zyrtarët dhe institucionet më të larta të shtetit të Kosovës. Deputetja e Vetëvendosjes, Albulena Haxhiu, ka thënë se në dekadën e parë të Kushtetutës së Kosovës nuk kanë se si mos t’i theksojnë pengesat e vazhdueshme të kësaj Kushtetute që ishte kompromis dhe jo shprehje e vullnetit publik e demokratik. Ndërsa deputeti tjetër, Sami Kurteshi, ka folur për shkeljet që i janë bërë Kushtetutës së Republikës së Kosovës nga vetë krerët e institucioneve që nga themelimi i saj. Sipas tij, dekada e dytë duhet të jetë angazhim shoqëror për të pasur një Kushtetutë që do të jetë shprehje e vullnetit publik e demokratik.
