Radio Kosova e Lirë Radio-Kosova e Lirë, Radio e luftës çlirimtare, paqes dhe bashkimit kombëtar, Zëri i lirisë, besnikja e pavarësisë dhe e bashkimit të shqiptarëve.
Tema të tjera...
Kryeministri i Kosovës, Ramush Haradinaj, në fjalën e tij hyrëse, në takimin e parë me kryetarët e komunave në kuadër të “Forumi konsultativ qeveri – komuna”, ka deklaruar se çështjet buxhetore, çështjet pronësore që ndërlidhen me tokat dhe ato që ndërlidhen me luftën kundër korrupsionit, janë temat kryesore për të cilat qeveria dhe komunat duhet të bashkëpunojnë. Ky takim është cilësuar si hap i parë drejt ndërtimit të platformës së përhershme të konsultimit, bashkëpunimit dhe bashkërendimit në forumin konsultativ qeveri – komuna. Ky është një fillim i mirë i zhvillimit të një konsulte të vazhdueshme pra një Këshilli Konsultativ të vazhdueshëm qeveri-komuna, pasi kryetarët e komunave janë në komunikim direkt me qytetarët të cilët presin prej tyre dhe puna e kryetarëve të komunave është shumë e vështirë pasi që pritjet dhe nevojat janë të mëdha, ndërsa mundësitë janë të kufizuara, ka thënë mes tjerash kryeministri Haradinaj.
