leoni

Këshilli i Drejtorëve në Malishevë e vlerësoi si shumë shqetësuese mos repelimin e kafshëve

16/04/2018 Institucionet

Drejtuar nga kryetari i Komunës së Malishevës, Ragip Begaj, është mbajtur mbledhja e rregullt e Këshillit të Drejtorëve, ku janë trajtuar shumë çështje, ndërsa shqetësim kryesor nga kjo mbledhje doli të jetë mos fillimi i fushatës së repelimit të kafshëve, si masa më efikase në luftimin dhe parandalimin e Etheve Hemorragjike Krime Kongo (EHKK), dhe u kërkua nga organet kompetente që të fillojnë sa më shpejt të realizojnë repelimin, që tashmë është dashur të jetë në fazën e dytë të saj. Fillimisht drejtori komunal për bujqësi, Murat Hoxha e ka paraqitur këtë problem, i cili tha se është tepër shqetësuese që kafshët nuk janë repeluar, pasi kjo do ta ndihmoj në masë të madhe vazhdimin e ciklit tek rriqrat, të cilët janë bartës të virusit. Sipas tij, faza e parë e repelimit është dashur të jetë e kryer dhe tani do të duhej të fillohej me fazën e dytë. Edhe nënkryetari i Komunës së Malishevës, Hajdin Berisha, i cili është edhe pjesë e Këshillit Ndërministror, dhe i cili në vazhdimësi e ka paraqitur këtë shqetësim, repelimin e kafshëve e ka vlerësuar si masën më të efektshme në parandalimin e EHKK dhe ka kërkuar edhe njëherë që organet kompetente, të veprojnë sa më shpejtë, në mënyrë që të mos përsëriten situatat e viteve të mëhershme, kur virusi vdekjeprurës zhvillohej dhe merrte jetë njerëzish. Sa i përket EHKK, pjesa që është kompetencë e komunës, është duke u realizuar, siç janë ligjëratat e vetëdijesimit, pastaj ofrimi i shërbimeve shëndetësore në rastet e thumbimeve, si dhe komuna është e përgatitur për pjesën e saj të dezinsektimit të zonave endemike. Përndryshe, në këtë mbledhje të Këshillit të drejtorëve, drejtorët e drejtorive komunale, i kanë prezantuar aktivitete e tyre në sektorët e caktuar, duke filluar nga realizimi i projekteve, ku janë duke u realizuar disa nga projektet e palnifikuara, ndërsa në ditët në vijim, pritet të fillojnë të realizohen edhe disa projekte tjera. Gjatë raportimeve të drejtorëve, u tha se pastrimi i ambienteve  në të gjitha vendbanimet, është një punë e madhe dhe është duke u vlerësuar shumë, por problem janë duke sjellë mbeturinat inerte, që qytetarët i hedhin pa vend. Ndërprerja e ndërtimeve pa leje, është duke u menaxhuar mirë, ndërsa së shpejti pritet që edhe uzurpimet e mëhershme të regjistrohen dhe të lirohen hapësirat, si dhe ndërtimet pa leje përgjatë rrjedhës së lumit Mirusha, është paralajmëruar se do të largohen. Në fushën e arsimit dhe të kulturës, krahas aktiviteteve të përditshme dhe mbajtjes së testit PISA, javën e kaluar janë mbajtur garat në lëndën e fizikës, për të dy nivelet e arsimit, ndërsa janë duke vazhduar garat shkollore në sport dhe të gjitha këto po zhvillohen sipas planifikimeve.

Kontrolloni gjithashtu

Kuvendi komunal i Rahovecit mbajti mbledhjen e rregullt të njëmbëdhjetën për këtë vit kalendarik

Udhëhequr nga Kryesuesi – Arbër Zenuni, u mbajt seanca e muajit nëntor, e njëmbëdhjeta e …

Radio Kosova e Lirë 94.2 FM
Kjo web faqe mirëmbahet nga Radio Kosova e Lirë. Materialet dhe informacionet të cilat janë pronë e radios Kosova e Lirë dhe redaksisë “Dëshmorët e UÇK-së” nuk mund të kopjohen, të shtypen, ose të përdoren në çfarëdo forme tjetër për qëllime përfitimi. Radio Kosova e Lirë mban të drejtat e rezervuara sipas dispozitave ligjore për të drejtat e autorit dhe pronës intelektuale. © Copyright 2005 - 2024, Të gjitha të drejtat e rezervuara