Radio Kosova e Lirë Radio-Kosova e Lirë, Radio e luftës çlirimtare, paqes dhe bashkimit kombëtar, Zëri i lirisë, besnikja e pavarësisë dhe e bashkimit të shqiptarëve.
Tema të tjera...
Kryeministri i Kosovës, Ramush Haradinaj, me rastin e Ditës së Tokës, ka thënë se një ditë e tillë shërben që të ngritet vetëdija e përgjithshme për mbrojtjen e mjedisit dhe riparimin e dëmeve që i janë shkaktuar tokës. Përmes rrjetit social, Haradinaj shkruan se është koha që të angazhohemi për një mjedis të shëndoshë, nga i cili sipas tij varet cilësia e jetës tonë.
“Dita e Tokës, e cila po shënohet sot në mbarë globin, na shërben ta ngrisim vetëdijen e përgjithshme që ta mbrojmë mjedisin dhe t’i riparojmë dëmet që i janë shkaktuar tokës. Duke e ruajtur ekosistemin, ajrin e ujin, bjeshkët tona, biodiversitetin, florën dhe faunën, sigurohemi se po e bëjmë më të mirën për vetën dhe brezat që vijnë. Është koha që të angazhohemi të gjithë për një mjedis të shëndoshë, nga i cili varet cilësia e jetës sonë”, ka shkruar Haradinaj.
