MINISTRI BYTYQI PRITI NJË DELEGACION TË KOMPANISË GJERMANE DEKRA

24/04/2018 Institucionet

Ministri i Arsimit, Shkencës dhe Teknologjisë, Shyqiri Bytyqi priti një delegacion gjerman të kryesuar nga Dietmar Metzger, zëvendësshef i përgjithshëm ekzekutiv i kompanisë DEKRA, me të cilët bisedoi për mundësitë e bashkëpunimit në fushën e arsimit dhe aftësimit profesional në Kosovë. Ministri Bytyqi fillimisht ka falënderuar përfaqësuesit gjerman për mbështetjen e vazhdueshme në konsolidimin dhe zhvillimin e arsimit profesional, si dhe gatishmërinë e shprehur tashmë për bashkëpunim të kompanisë DEKRA, në aspektin e trajnimit dhe përgatitjen profesionale për tregun e punës të të rinjve tanë. “Ne jemi shumë të privilegjuar që kemi mbështetje nga një vend mik që arsimin e ka në stadet më të larta të zhvillimit dhe se përfitimi nga përvoja dhe praktikat më të mira të Gjermanisë janë të mirëpritura kurdoherë“, tha ministri Bytyqi. Ministri Bytyqi gjithashtu tha se fokusi kryesor i MAShT-it për këtë vit është në ngritjen e cilësisë në arsimin profesional për çka jemi të angazhuar në aplikimin e mësimit dual kudo qe është  i mundur bashkëpunimi me kompanitë e ndryshme, ndërsa theksoi se jemi duke punuar edhe në profilizimin e shkollave të mesme profesionale sipas nevojave të tregut të punës në regjione të ndryshme të vendit. Ndërsa, Dietmar theksoi se kompanitë  gjermane të përfaqësuara nga DEKRA janë të gatshme të mbështesin zhvillimin dhe modernizimin e arsimit profesional, ofrimin e trajnimeve për infermier dhe kuadrove tjera profesionale për të cilat kanë nevojë. Në këtë kontekst ai tha se përveç trajnimeve dhe përgatitjeve profesionale do të ofrohen edhe mundësi për mësimin e gjuhës gjermane si dhe zhvillimin e mësimit dual klasik dhe modern.

Kontrolloni gjithashtu

Kuvendi komunal i Rahovecit mbajti mbledhjen e rregullt të njëmbëdhjetën për këtë vit kalendarik

Udhëhequr nga Kryesuesi – Arbër Zenuni, u mbajt seanca e muajit nëntor, e njëmbëdhjeta e …

Radio Kosova e Lirë 94.2 FM
Kjo web faqe mirëmbahet nga Radio Kosova e Lirë. Materialet dhe informacionet të cilat janë pronë e radios Kosova e Lirë dhe redaksisë “Dëshmorët e UÇK-së” nuk mund të kopjohen, të shtypen, ose të përdoren në çfarëdo forme tjetër për qëllime përfitimi. Radio Kosova e Lirë mban të drejtat e rezervuara sipas dispozitave ligjore për të drejtat e autorit dhe pronës intelektuale. © Copyright 2005 - 2024, Të gjitha të drejtat e rezervuara