Ministri Lekaj dhe kryetari Begaj, nënshkruan marrëveshje për financimin e disa projekteve në Malishevë

24/04/2018 Institucionet

Kryetari i Komunës së Malishevës, Ragip Begaj dhe Ministri i Ministrisë së Infrastrukturës, Pal Lekaj, në Prishtinë, kanë nënshkruar memorandum mirëkuptimi për financimin e projekteve infrastrukturore në Komunën e Malishevës. Bazuar në marrëveshjen e nënshkruar, Ministria e Infrastrukturës do të financoj ndërtimin (asfaltimin) e rrugëve në lagjen Hoti në Malishevë, pastaj rrugët në fshatrat Gollubovc, Stapanic-Kijevë, lagjen Binish në Banjë, Kërvasari, Carrallukë dhe rrugë në lagjen Zogaj në Bellanicë. Sipas marrëveshjes ndërtimi i këtyre rrugëve ka një kosto prej rreth 355 mijë euro. Po ashtu në këtë marrëveshje, parashihet edhe ndërtim i rrugës Rud-Sfërk, e cila parashihet të kushtoj rreth 420 mijë euro. Ndërsa është bërë edhe plotësimi i marrëveshjes mes Ministrisë së Infrastrukturës dhe Komunës së Malishevës, për asfaltimin e rrugës Llapçevë-Ujëvarat e Mirushës, vlera e së cilës është 185 713 euro, e po ashtu është plotësuar edhe marrëveshja tjetër për asfaltimin e rrugës Mleqan-Plloqicë, e cila një kosto prej 138 125 euro.

Kontrolloni gjithashtu

Kuvendi komunal i Rahovecit mbajti mbledhjen e rregullt të njëmbëdhjetën për këtë vit kalendarik

Udhëhequr nga Kryesuesi – Arbër Zenuni, u mbajt seanca e muajit nëntor, e njëmbëdhjeta e …

Radio Kosova e Lirë 94.2 FM
Kjo web faqe mirëmbahet nga Radio Kosova e Lirë. Materialet dhe informacionet të cilat janë pronë e radios Kosova e Lirë dhe redaksisë “Dëshmorët e UÇK-së” nuk mund të kopjohen, të shtypen, ose të përdoren në çfarëdo forme tjetër për qëllime përfitimi. Radio Kosova e Lirë mban të drejtat e rezervuara sipas dispozitave ligjore për të drejtat e autorit dhe pronës intelektuale. © Copyright 2005 - 2024, Të gjitha të drejtat e rezervuara