MINISTRI BYTYQI PRITI MENAXHMENTIN E FAKULTETIT TË INXHINIERISË ELEKTRIKE DHE KOMPJUTERIKE TË UP-SË

26/04/2018 Institucionet

Ministri i Arsimit, Shkencës dhe Teknologjisë, Shyqiri Bytyqi priti në takim Dekanin e Fakultetit të Inxhinierisë Elektrike dhe Kompjuterike të Universitetit të Prishtinës (UP) Enver Hamiti dhe Prodekanen Vjollca Komoni , me të cilët bisedoi për ecuritë e studimeve në këtë fakultet me theks të veçantë çështjet kadrovike. Dekani  Hamiti dhe Prodekanja Komoni e njoftuan ministrin Bytyqi për zhvillimet në këtë institucion, njëherësh shprehën shqetësimin e tyre për mungesë të profesorëve dhe asistentëve të profileve të ndryshme, sidomos në Elektronikë, Automatikë dhe Energjetikë. Ministri Bytyqi u shpreh se është shqetësuese mungesa e kudrove në një fakultet siç është Fakulteti i Inxhinierisë Elektrike dhe Kompjuterike për kuadrot e të cilit ka nevojë vendi në çdo etapë zhvillimore dhe theksoi se kjo gjendje është paksa e habitshme se si nuk është ngritur me herët kjo çështje nga ana e menaxhmentit të Universitetit të Prishtinës(UP). Ministri Bytyqi gjithashtu tha se kjo gjendje nuk mund të tejkalohet për një kohë të shkurtër, do të angazhohemi që së bashku me akterët relevant ta ngrisim  këtë çështje në nivele më të larta sa më parë të jetë e mundur, por është e nevojshme që të ketë edhe programe studimore  për doktoraturë në lëmit përkatëse. Dekani  Hamiti dhe Prodekanja Komoni, e falënderuan ministrin Bytyqi për pritjen njëherësh u shprehen se për mungesë kuadrosh kanë njoftuar disa vite më parë por ende nuk ka hapa konkret në këtë drejtim. Ndërsa thanë se çdo ditë e më shumë vërehet edhe mungesa e kundrove profesionale edhe në tregun e punës.

Kontrolloni gjithashtu

Kuvendi komunal i Rahovecit mbajti mbledhjen e rregullt të njëmbëdhjetën për këtë vit kalendarik

Udhëhequr nga Kryesuesi – Arbër Zenuni, u mbajt seanca e muajit nëntor, e njëmbëdhjeta e …

Radio Kosova e Lirë 94.2 FM
Kjo web faqe mirëmbahet nga Radio Kosova e Lirë. Materialet dhe informacionet të cilat janë pronë e radios Kosova e Lirë dhe redaksisë “Dëshmorët e UÇK-së” nuk mund të kopjohen, të shtypen, ose të përdoren në çfarëdo forme tjetër për qëllime përfitimi. Radio Kosova e Lirë mban të drejtat e rezervuara sipas dispozitave ligjore për të drejtat e autorit dhe pronës intelektuale. © Copyright 2005 - 2024, Të gjitha të drejtat e rezervuara