Radio Kosova e Lirë Radio-Kosova e Lirë, Radio e luftës çlirimtare, paqes dhe bashkimit kombëtar, Zëri i lirisë, besnikja e pavarësisë dhe e bashkimit të shqiptarëve.
Tema të tjera...
Lideri i Lëvizjes Vetëvendosje, Albin Kurti i cili po qëndron në Bosnjë e Hervegovinë, ka deklaruar se shqiptarët dhe boshnjakët duhet të jenë më të zëshëm në demaskimin e pretendimeve serbe dhe ruse. Ne nuk jemi mjaft të koordinuar dhe nuk jemi mjaft aktivë, duke menduar se publiku në botë di për vuajtjet tona dhe se nuk duhet të tregojmë për to. Ne duhet ta përsërisim të vërtetën tonë përderisa Beogradi përsërit gënjeshtrat e tij, ka theksuar Kurti. Ai ka përkujtuar se Kosova dhe Bosnja e Hercegovina janë dy vendet, popujt e të cilëve pësuan më së shumti gjatë ish Jugosllavisë dhe fatkeqësisht edhe sot e kësaj dite kanë probleme të ngjashme. Këto probleme dalin kryesisht nga Serbia, që është Beogradi zyrtar, i cili ka Republikën Serbe në Bosnjë dhe Hercegovinë, e që e dëshiron një Republikë të tillë të vogël të Serbisë edhe në Kosovë. Serbët nga Kosova nuk kanë frikë nga shqiptarët, ata kanë frikë nga Serbia. Shumë prej tyre thonë privatisht se pajtohen me mua, por nuk mund ta thonë këtë publikisht, sepse Beogradi ju troket menjëherë në derë. Ne duam që Beogradi të jetë sa më larg nga Kosova, ngase shikuar historikisht, sa më larg që ka qenë Beogradi nga Kosova, aq më të mira ishin marrëdhëniet midis serbëve dhe shqiptarëve në Kosovë, e sa më afër Kosovës të jetë Beogradi, marrëdhëniet përkeqësohen, ka deklaruar lideri i Lëvizjes Vetëvendosje, Albin Kurti.
