Radio Kosova e Lirë Radio-Kosova e Lirë, Radio e luftës çlirimtare, paqes dhe bashkimit kombëtar, Zëri i lirisë, besnikja e pavarësisë dhe e bashkimit të shqiptarëve.
Tema të tjera...
Në administratën publike të Kosovës buxheti më i madh shpenzohet për zëvendësministra. Dëshirojmë që këto para të përdoren për reformë të thellë në arsim e jo vetëm për paga të zëvendësministrave, ka thënë të mërkurën shefja e Zyrës së Bashkimit Evropian në Kosovë, Nataliya Apostolova, në prezantimin e raportit të rishikimit funksional të Ministrisë së Arsimit, Shkencës dhe Teknologjisë. Ky raport është hartuar nga GIZ-i i mbështetur nga BE-ja dhe përmban disa gjetje për funksionimin e Ministrisë së Arsimit, Shkencës dhe Teknologjisë. “Kosova është vendi që ka 80 zëvendësministra. Në administratën publike shpenzojmë buxhetin më të madh për zëvendësministra. Ne dëshirojmë që këto para të përdoren për reformë të thellë në arsim e jo vetëm për paga të zëvendësministrave”, ka theksuar ajo. Sipas saj, Kosova nuk ka ecur përpara në sistemin e arsimit. Sa më shumë që të ketë vonesa në këtë drejtim, ka thënë se do të vonohen edhe ndryshimet në arsim për gjeneratat e reja.
