Radio Kosova e Lirë Radio-Kosova e Lirë, Radio e luftës çlirimtare, paqes dhe bashkimit kombëtar, Zëri i lirisë, besnikja e pavarësisë dhe e bashkimit të shqiptarëve.
Tema të tjera...
Sot, më 9 maj 2018, në lagjen e Isuf Danaj, në fshatin Llapushnik të Drenicës shënohet 20-vjetori i zënies së kësaj Gryke, e cila shënon njërën ndër betejat më të lavdishme të epopesë së Ushtrisë Çlirimtare të Kosovës, në luftë kundër forcave ushtarake e policore serbe. Zënia e Grykës dhe zmbrapsja e forcave serbe, tregonte se UÇK-ja kishte filluar një fazë të re të mobilizimit e konsolidimit të radhëve dhe kishte forcë jo vetëm për ta sulmuar armikun nëpër prita, por edhe për të vendosur barrikada lufte, me qëllim për t’ i vënë në kontroll zonat e çliruara.
Shënimi i këtij përvjetori mbahet nën përkujdesjen e kryeministrit të Kosovës, Ramush Haradinaj. Në këtë manifestim jubilar përveç familjarëve të dëshmorëve, invalidëve e veteranëve, do të marrin pjesë: kryeministri, Ramush Haradinaj, kryekuvendari, Kadri Veseli, zëvendës-kryeministri, Fatmir Limaj, ish-Komandanti i Zonës Operative të Drenicës, Sami Lushtaku, kryetari i komunës së Drenasit, Ramiz Lladrovci, drejtues të shoqatave të dala nga lufta e UÇK-së, deputetë e zyrtarë të lartë të institucioneve tona dhe qytetarë të shumtë liridashës.
