Radio Kosova e Lirë Radio-Kosova e Lirë, Radio e luftës çlirimtare, paqes dhe bashkimit kombëtar, Zëri i lirisë, besnikja e pavarësisë dhe e bashkimit të shqiptarëve.
Tema të tjera...
Sot, me një manifestim përkujtimor, është shënuar 20-vjetori i Betejës së Llapushnikut. Në fjalën e tij, në këtë manifestim jubilar të zënies së grykës së Llaushnikut, më 9 maj të vitit 1998, foli kryetari i komunës së Drenasit, Ramiz Lladrovci, ish luftëtar i UÇK-së, i cili solli ne kujtesë kohën kur 20 vjet më parë Gryka e Llaushnikut ishte bërë barrikadë e pakalueshme për forcat kriminele serbe. Kjo betejë mobilizoi të gjithë banoret e Llapushnikut dhe fshatrave përreth, duke e bllokuar lëvizjen e ushtrisë serbe në rrugën magjistrale: Prishtinë – Pejë tha mes tjerash, kryetari i Drenasit, Ramiz Lladrovci.
Ndërsa, Enver Hajdari, në fjalën e tij në emër të shoqatave të dala nga lufta e Komunës se Drenasit tha sa herë që kujtojmë betejat e së kaluarës, kujtojmë luftën e UÇK-së në krye me komandantin legjendar, Adem Jashari dhe të gjithë dëshmorëve të kombit. Në emër të familjeve të dëshmorëve nga fshatit Llapushnik, foli, Mehdi Thaçi i cili tha se obligim i të gjithë neve është ta qojmë në vend amanetin e dëshmorëve.
Zëvendës-kryeministri, Fatmir Limaj, ish-epror i lartë i luftës së UÇK-së tha Beteja e Grykës së Llapushnikut e ndali arterien kryesore të ushtrisë serbe, në relacion Prishtinë Pejë. Gryka e Llapushnikut shënoi dështimin e turpshëm të forcave ushtarake e policore të regjimit të Milosheviqit, tha mes tjerash, Fatmir Limaj. Në fund të manifestimit u shfaq një program i pasur kulturor.
