Radio Kosova e Lirë Radio-Kosova e Lirë, Radio e luftës çlirimtare, paqes dhe bashkimit kombëtar, Zëri i lirisë, besnikja e pavarësisë dhe e bashkimit të shqiptarëve.
Tema të tjera...
Policia e Kosovës bëri të ditur se mbi 17 mijë të rinj dhe të reja kanë aplikuar në konkursin për policë, i cili zyrtarisht është mbyllur dje. Ndonëse zyrtarisht nuk është thënë se sa është numri i atyre që do të pranohet mësohet se ai nuk do ta kalojë 300-shin. Daut Hoxha, zëdhënës i Policisë nëpërmjet postës elektronike ka thënë për kp se interesimi i të rinjve për të qenë policë është mjaft i madh. Deri dje kur edhe është mbyllur konkursi, sipas Hoxhës janë pranuar gjithsej 17 mijë e 500 aplikacione, mirëpo gjasat janë që numri të jetë më i madh pasi që ende po vazhdon procesi i regjistrimit të aplikacioneve. “Interesimi i të rinjve dhe të rejave nga të gjitha komunitetet ka qenë mjaft i madh për t’u bërë pjesë e Policisë së Kosovës dhe për t’i shërbyer vendit dhe qytetarëve. Konkursi për zyrtar policor është mbyllur me datë 10 maj dhe deri me këtë datë janë pranuar rreth 17 mijë e 500 aplikacione. Meqenëse ende është në proces regjistrimi i aplikacioneve në sistem dhe vetëm pas regjistrimit të të gjitha aplikacioneve dihet numri i saktë”, ka bërë të ditur Hoxha. Konkursi është hapur më 16 prill dhe të drejtë konkurrimi kanë personat, shtetas të Kosovës prej moshës 18 deri 30 vjeçare.
