Udhëheqësit e A.K.V “Kemajl Azizi” janë pritur në një takim nga kryetari Haliti

18/05/2018 Institucionet

Udhëheqësit e Ansamblit të Këngëve dhe Valleve “Kemajl Azizi”, janë pritur në një takim nga kryetari i komunës së Vitisë Sokol Haliti, pas rezultateve të arritura në Festivalin tradicional “Anadrinia Jehon” që mbahet në Dejnë të Rahovecit. Në edicionin e 17-të të këtij Festivali, Ansambli “Kemajl Azizi” u vlerësua nga juria profesionale me vendin e parë, ndërkohë që anëtarët e saj morën çmimet kryesore. Solistja më e mirë u vlerësua Merita Sahiti, kurse valltari më i mirë Patriot Osmani. Për këtë të arritur, kryetari Haliti i ka përgëzuar udhëheqjen dhe anëtarët e këtij Ansambli, duke theksuar se ky rezultat dhe vlerësimet e mira në festivale brenda dhe jashtë Kosovës, janë produkt i angazhimit dhe përkushtimit të anëtarëve të A.K.V “Kemajl Azizi”. Kurse Adnan Zenuni kryetar i Ansamblit, ka njoftuar për rezultatet e arritura gjatë 4 muajve të fundit, duke përmendur edhe pjesëmarrjen në Festivalin e Vjenës, ku janë vlerësuar lartë për prezantimin e suksesshëm skenik, ndërkohë edhe për suksesin e arritur në Festivalin folklorik të fëmijëve “Brez pas Brezi” që u mbajt muajin e kaluar, e ku anëtarët e rinj të këtij Ansambli morën çmimin e Publikut. Për këtë, Zenuni ka vlerësuar lartë punën e valltares Mimoza Shabani, që po merret me këtë kategori dhe me shumë sukses po arrin të nxjerrë talent të rinj të skenës së vallëzimit.

Kontrolloni gjithashtu

Për shkak të punimeve me 22 dhe 23 prill bllokohen rrugët “Xhevat Kasapi” dhe “Muharrem Dina”

Komuna e Rahovecit përmes një postimi në faqen zyrtare të saj në facebook, njofton qytetarët …

Radio Kosova e Lirë 94.2 FM
Kjo web faqe mirëmbahet nga Radio Kosova e Lirë. Materialet dhe informacionet të cilat janë pronë e radios Kosova e Lirë dhe redaksisë “Dëshmorët e UÇK-së” nuk mund të kopjohen, të shtypen, ose të përdoren në çfarëdo forme tjetër për qëllime përfitimi. Radio Kosova e Lirë mban të drejtat e rezervuara sipas dispozitave ligjore për të drejtat e autorit dhe pronës intelektuale. © Copyright 2005 - 2025, Të gjitha të drejtat e rezervuara