Në Komunën e Malishevës situata me EHKK nën kontroll

22/05/2018 Institucionet

Situata epidemiologjike me EHKK (Ethet Hemorragjike Krime Kongo) në territorin e Komunës së Malishevës, është nën kontroll dhe deri më tani nuk është regjistruar asnjë rast i infektimit me virusin e EHKK. Kështu është deklaruar në mbledhjen e rregullt të Këshillit të Drejtorëve, të cilën e ka drejtuar nënkryetari i Komunës së Malishevës, Hajdin Berisha. Në këtë mbledhje është raportuar edhe për çështje tjera që lidhen me punën dhe aktivitetet e qeverisë komunale. Drejtori komunal për shëndetësi dhe ai për mbrojtje dhe shpëtim, kanë deklaruar se pavarësisht rasteve të thumbimeve nga rriqrat, deri më tani, sikur edhe tri vitet e kaluara, nuk kemi raste të infektimit nga virusi i EHKK, ndërsa është duke vazhduar dezinsektimi i zonave që cilësohen endemike. Përndryshe në mbledhjen e Këshillit të Drejtorëve, drejtorët komunal, kanë raportuar për punët dhe aktivitetet e vazhdueshme të drejtorive komunale, përfshi edhe realizimin e projekteve dhe planeve komunale. Projektet janë duke vazhduar sipas planifikimeve, ndërsa është duke u bërë edhe mirëmbajtja e hapësirave publike. Siç u tha në këtë mbledhje, inspektorati komunal ka ndërprerë punimet në një rast të ndërtimit, pasi pronari nuk kishte respektuar parametrat e lejuara për ndërtim, ndërsa inspektorati është duke vazhduar me inspektimin e të gjitha marketeve, jo vetëm në qytet, por edhe nëpër fshatra. Javën që shkoi është mbajtur testi i arritshmërisë, ku janë përfshi 1097 nxënës, ndërsa janë duke u bërë përgatitjet për mbajtjen e testit kombëtar të maturës. Sa i përket buxhetit, përkatësisht hartimit të buxhetit për vitin e ardhshëm, pas marrjes së qarkores së dytë buxhetore, është duke u punuar në hartimin e draft buxhetit, dhe me theks të veçantë është duke u punuar në aspektin e transparencës, ku gjatë hartimit të buxhetit do të përfshihen të gjitha grupet e interesit, përmes debateve dhe takimeve publike.

Kontrolloni gjithashtu

Kuvendi komunal i Rahovecit mbajti mbledhjen e rregullt të njëmbëdhjetën për këtë vit kalendarik

Udhëhequr nga Kryesuesi – Arbër Zenuni, u mbajt seanca e muajit nëntor, e njëmbëdhjeta e …

Radio Kosova e Lirë 94.2 FM
Kjo web faqe mirëmbahet nga Radio Kosova e Lirë. Materialet dhe informacionet të cilat janë pronë e radios Kosova e Lirë dhe redaksisë “Dëshmorët e UÇK-së” nuk mund të kopjohen, të shtypen, ose të përdoren në çfarëdo forme tjetër për qëllime përfitimi. Radio Kosova e Lirë mban të drejtat e rezervuara sipas dispozitave ligjore për të drejtat e autorit dhe pronës intelektuale. © Copyright 2005 - 2024, Të gjitha të drejtat e rezervuara