Radio Kosova e Lirë Radio-Kosova e Lirë, Radio e luftës çlirimtare, paqes dhe bashkimit kombëtar, Zëri i lirisë, besnikja e pavarësisë dhe e bashkimit të shqiptarëve.
Tema të tjera...
Me ftesë të Këshillit Atlantik dhe Qeverisë së Malit të Zi, Kryetari i Republikës së Kosovës, Hashim Thaçi, ka udhëtuar për në Budve, ku do të marrë pjesë në Forumin e Sigurisë “То be Secure”. Thaçi bashkë me kryetarin e Malit të Zi, Milo Gjukanoviç, do të jenë ndër folësit kryesorë të këtij forumi, në të cilin do të marrin pjesë edhe shumë zyrtarë amerikanë, kanadezë dhe përfaqësues të BE-së. Para përfaqësuesve shtetërorë, diplomatëve dhe pjesëmarrësve të tjerë, kryetari Thaçi do të flasë për perspektivën euroatlantike të Kosovës dhe shteteve të Ballkanit Perëndimor. Ky forum është ngjarje që ndihmon jo vetëm nxitjen e ideve të reja rreth sigurisë, por gjithashtu nxitë edhe të menduarit taktik në përpjekjet për reforma në Evropën Juglindore. Forumi ka për qëllim ndërtimin e lidhjeve më të ngushta midis akterëve kryesorë dhe partnerëve, për ta bërë rajonin vend më të sigurt dhe për të kontribuar në tejkalimin e sfidave globale në të ardhmen.
