Radio Kosova e Lirë Radio-Kosova e Lirë, Radio e luftës çlirimtare, paqes dhe bashkimit kombëtar, Zëri i lirisë, besnikja e pavarësisë dhe e bashkimit të shqiptarëve.
Tema të tjera...
Ministri i Infrastrukturës, Pal Lekaj është pritur në takim nga guvernatori i Bankës Qendrore të Kosovës, Fehmi Mehmeti. Tema qendrore në bisedat e tyre kanë qenë zhvillimet e përgjithshme në sektorin bankar dhe mbështetjen që BQK-ja mund të jap në realizimin e projekteve infrastrukturore. Me këtë rast, guvernatori, Fehmi Mehmeti, njoftoi ministrin, Pal Lekaj me prirjet e përgjithshme në sektorin financiar në Kosovë dhe punën që po bënë BQK-ja në zhvillimin e mëtutjeshëm të këtij sektori. “Ne si BQK jemi të angazhuar që të mbështesim zhvillimin ekonomik dhe stabilitetin financiar, dhe bankar në Kosovë. Gjithashtu, jemi të angazhuar që të mbështesim Institucionet e Kosovës në realizimin e projekteve që kanë për qëllim zhvillimin e ekonomik dhe hapjen e vendeve të reja të punës”, deklaroi guvernatori, Fehmi Mehmeti. Ndërkohë, ministri i Infrastrukturës, Pal Lekaj falënderoi atë për mbështetjen në realizimin e projekteve të ndryshme infrastrukturore.
