Radio Kosova e Lirë Radio-Kosova e Lirë, Radio e luftës çlirimtare, paqes dhe bashkimit kombëtar, Zëri i lirisë, besnikja e pavarësisë dhe e bashkimit të shqiptarëve.
Tema të tjera...
Gjatë samitit të mbajtur në Kroaci, me temë lidhur me luftën kundra krimit ndërkombëtar ka folur edhe Prokurori i Përgjithshëm i Shteteve të Bashkuara të Amerikës, Jeff Sessions. Duke u ndalur në bashkëpunimin dhe partneritetin mes agjencive ligj-zbatuese ai ka vlerësuar atë çfarë është arritur deri më tani. Shtetet e Bashkuara të Amerikës ka dërguar ekspertë dhe personel shtesë për të ndihmuar agjencitë ligj zbatuese, sikur është rasti i Shqipërisë ku pranë Ambasadës Amerikane janë dërguar 4 prokurorë dhe disa të tjerë në Bosnje Hercegovinë, Kroaci, Kosovë, Maqedoni dhe Serbi, deklaroi kryeprokurori Jeff Sessions. Ai tha se Departamenti Amerikan i shtetit ka financuar dërgimin e ekspertëve policorë me një eksperiencë të lartë për të ndihmuar policitë e këtyre vende. Në Shqipëri kemi dërguar 4 ekspertë të tillë“, tha kryeprokurori amerikan. Kryeprokurori amerikan u ndal edhe në një operacion të suksesshëm policor të vendeve ballkanike ku merrte pjesë edhe Shqipëria.”Policia e Kosovës e trajnuar nga personeli amerikan, kanë bashkëpunuar me policitë e Shqipërisë, Maqedonisë dhe Serbisë gjatë një operacioni të suksesshëm ku u arrestuan 100 persona dhe u sekuestrua 258 kilogram lëndë narkotike”, vijoi Sessions.
