Radio Kosova e Lirë Radio-Kosova e Lirë, Radio e luftës çlirimtare, paqes dhe bashkimit kombëtar, Zëri i lirisë, besnikja e pavarësisë dhe e bashkimit të shqiptarëve.
Tema të tjera...
Shënimi i ditës së flamurit shqiptar nga liderët të institucioneve më të larta Republikës së Kosovës ka filluar sot me vizita dhe homazhe në Kompleksin memorial “Adem Jashari” në Prekaz, familje kjo e cila dha mesazh për bashkim. Kryetari i Kuvendit të Republikës së Kosovës , Kadri Veseli së bashku me disa deputetë vunë kurora lulesh në kompleksin memorial në Prekaz. Nga aty, Veseli ka vlerësuar lartë veprën dhe rënien e komandantit Adem Jashari. Prekazin e vizitoi gjithashtu edhe ministri i FSK-së, Haki Demolli, i cili 28 Nëntorin e cilësoi ditë për përkujtim të komandantit Adem Jashari. Përfaqësuesi i familjes Jashari, Rifat Jashari ka falënderuar të gjithë ata që kontribuojnë për vend, duke bërë thirrje për unitet. “I falënderoj të gjithë shqiptarët për vizitat, për punën, për kontributin që kanë dhënë deri më tani. Shpresoj edhe në të ardhmen jemi të gjithë bashkë, se pa një unitet e kemi të vështirë të bashkuar e kemi zor t’i arrijmë qëllimet tona. Shpresoj që gjithmonë të jemi bashkë dhe vazhdojmë rrugën bashkë si komb dhe si shqiptarë”, potencoi Jashari. Prekazin e vizituan edhe përfaqësues të tjerë të institucioneve lokale dhe qytetar.
