Radio Kosova e Lirë Radio-Kosova e Lirë, Radio e luftës çlirimtare, paqes dhe bashkimit kombëtar, Zëri i lirisë, besnikja e pavarësisë dhe e bashkimit të shqiptarëve.
Tema të tjera...
Gazetari i gazetës “Vreme”, Dejan Anastasijeviq, kronikën për Betejen në Ludoviq të Drenicës më 26 nëntor 1997 e kishte titulluar “Varrimi i çdo shprese”, në territorin e lirë të Kosovës.
…Vetëm disa kilometra nga Skënderaj, rruga ishte bllokuar me një bager… Në të njëjtën kohë nga mali, në të dy anët e rrugës, është hapur zjarr nga automatikët dhe nga disa mina me tromblonë, të cilat kishin goditur afër disa transportierëve. Policët i kanë lëshuar automjetet dhe me forcë janë përgjigjur nga të gjitha tytat, duke përfshirë, mitralozët e topat kundërajrorë, gëzhojat e të cilave ishin shpërndarë kudo përreth. Banorët vendës thonë se nga kolona e policisë është hapur zjarr pa kontroll dhe me tërbim gjatë tërë rrugës së kthimit për në Skënderaj. Me atë rast është vrarë edhe mësuesi, Halit Geci nga Llausha…
Familja Zabeli në Ludoviq, ku janë vëllezërit, Skënderi dhe Sokoli, 100 metra nga vendi i Betejës thonë se për një moment kanë dëgjuar krismat e luftimeve nga armët dhe nga një helikopter. Nga luftimet familjarët kishin shpëtuar në podrumin e shtëpisë. Skënderi u kishte thënë gazetarëve serbë se nëse vazhdon dhuna e tillë e barbarëve çetnikë serbë ai do të dilte në mal dhe do t’i bashkohej UÇK-së.
Gazetari serb, Abastasijeviq, kishte përkujtuar lexuesit se në dimër të vitit 1945 në këtë pjesë të Drenicës kishte luftuar komandanti i shqiptarëve Shaban Palluzha kundër divizioneve të Armatës së Jugosllavisë së Titos. Ai kishte përshkruar në hollësi situatën dhe në fund kishte arritur në konstatimin se policia serbe qysh moti e kishte humbur guximin t’ ia mësynte fshatrave të Drenicës gjatë natës, e prej sot ajo nuk do të guxonte të hynte më as gjatë ditës….
