Radio Kosova e Lirë Radio-Kosova e Lirë, Radio e luftës çlirimtare, paqes dhe bashkimit kombëtar, Zëri i lirisë, besnikja e pavarësisë dhe e bashkimit të shqiptarëve.
Tema të tjera...
Abert Dervishi, djali i dëshmorit të kombit, Agim Sadri Dervishi i rënë në luftime së bashku me komandant Ilaz Kodrën, ka reaguar lidhur me zhvendosjen e trupave të dëshmorëve nga Polaci në Memorialin e UÇK-së, në Marinë. Ai në shkrimin e tij të dërguar Radios- Kosova e Lirë ka theksuar se: Është e vërtetë që jem pajtuar por unë si djalë i dëshmorit ditën e premte e kam pasur një polemikë me kryetarin e komunës së Drenasit, Ramiz Lladrovci lidhur me këtë projekt.
Unë u pajtova për zhvarrimin e prindit tim, por nuk u pajtova me mënyrën e rregullimit të varrezave, në Marinë. E pyeta kryetarin a do këtë ndryshim të projektit a do jetë ky sikur ai që është bërë para 3 viteve, por kryetari Ramiz Lladrovci e mori ofenduese atë fjalë, vetëm sepse unë i thash se ato varreza janë shumë afër njëra me tjetrën. Pa shkelur mbi varrin e një dëshmori nuk mundesh të afrohesh te varri i familjarit, për të vendosur një lule, apo për ta thënë një lutje. I thash se si të duash merre si nga ana kombëtare si nga ana fetare, nuk lejohet të shkelet mbi varre. Shkelja mbi varr është sikur të shkel mbi të gjallët. Si dëshmitë për këtë afri të varrezave njëra me tjetrën, Albert Dervish i ka dërguar edhe fotot në redaksinë e Radios-Kosova e Lirë.
