Reçica në Maltë Paralajmëron nënshkrimin e marrëveshjes së parë për punësim

30/05/2018 Institucionet

Ministri i Punës dhe Mirëqenies Sociale, Skender Reçica po qëndron në një vizitë zyrtare në shtetin e Maltës, me ftesë të ministrit të Familjes, të Drejtave të Fëmijëve dhe Solidaritetit Social, Michael Falzon. Në kuadër të kësaj vizite, ministri Reçica është takuar dhe me ministrin e Edukimit dhe të Punës, Evarist Bartolo me të cilin kanë biseduar rreth mundësive të bashkëpunimit në fushën e punësimit dhe edukimit profesional. Ministri Reçica dhe Bartolo u dakorduan për bashkëpunim dhe shkëmbim përvojash në këto dy fusha. Gjithashtu, gjatë takimit, të dy ministrat u dakorduan që të nënshkruhet një marrëveshje bashkëpunimi në fushën e punësimit dhe angazhimit sezonal të punëtorëve, respektivisht qytetarëve të Republikës së Kosovës, në shtetin e Maltës, shtet ky i Bashkimit Evropian. Reçica dhe Bartolo u pajtuan që të intensifikohet puna e grupeve punuese, në mënyrë që kjo marrëveshje të finalizohet sa më parë, me qëllim që të nënshkruhet në një të ardhme të afërt dhe të fillojë implementimi i saj në praktikë. Ministri Reçica e ftoi ministrin maltez për vizitë zyrtare në Prishtinë, për të nënshkruar marrëveshjen pas finalizimit nga grupet punuese të të dyja shteteve.

Kontrolloni gjithashtu

Kuvendi komunal i Rahovecit mbajti mbledhjen e rregullt të njëmbëdhjetën për këtë vit kalendarik

Udhëhequr nga Kryesuesi – Arbër Zenuni, u mbajt seanca e muajit nëntor, e njëmbëdhjeta e …

Radio Kosova e Lirë 94.2 FM
Kjo web faqe mirëmbahet nga Radio Kosova e Lirë. Materialet dhe informacionet të cilat janë pronë e radios Kosova e Lirë dhe redaksisë “Dëshmorët e UÇK-së” nuk mund të kopjohen, të shtypen, ose të përdoren në çfarëdo forme tjetër për qëllime përfitimi. Radio Kosova e Lirë mban të drejtat e rezervuara sipas dispozitave ligjore për të drejtat e autorit dhe pronës intelektuale. © Copyright 2005 - 2024, Të gjitha të drejtat e rezervuara