Hasani për Ditën Botërore të Metrologjisë: Metrologjia shtyllë kryesore për infrastrukturë të cilësisë

31/05/2018 Institucionet

Ministri i Tregtisë dhe Industrisë, Bajram Hasani, në Ditën Botërore të Metrologjisë, ka thënë se metrologjia është ndër shtyllat kryesore të MTI-së për shkak të punëve që i kryen. Hasani në një konferencë, që është organizuar nga MTI-ja për Ditën Botërore të Metrologjisë, ka theksuar se që nga fillimi i punës së tij si ministër i ka kushtuar rëndësi të madhe metrologjisë. “Jemi shumë të vendosur që metrologjia ta luajë rolin e vetë, sepse është një prej shtyllave kryesore për shkak të matjeve, kalibrimeve dhe rëndësisë që ka dhe gjithnjë metrologjia, akreditimi dhe standardizimi kanë nevojë për mbështetje më të fuqishme, si dhe jemi të përkushtuar që ta përafrojmë dhe harmonizojmë  legjislacionin tonë me atë të Bashkimit Evropian, që të krijohet një infrastrukturë e cilësisë sa më e mirë, ku bizneset tona të jenë konkurrente edhe në tregjet e huaja”, tha Hasani. Hasani ka bërë të ditur se ligji për këtë agjenci ka hyr në fuqi dhe që parasheh 35 udhëzime administrative dhe, sipas tij, janë duke u kryer punë konkrete. “Ligji për Meteorologji ka hyr në fuqi javën e kaluar dhe parasheh diku 35 udhëzime administrative dhe besojmë shumë shpejt do të formohen grupet punuese. Ne jemi të vendosur që këto t’i shtyjmë përpara dhe ligji të jetë sa më funksional. Falënderojmë edhe Komisionin Evropian që na ka ndihmuar shumë në fushën e meteorologjisë me asistent teknike, atë të akreditimit, por edhe standardizimin. Po presim tash të kemi punë konkrete edhe me një projekt të Bankës Botërore që ka filluar dhe shumë shpejt do të nisin investimet në laboratorët përkatës. Është një vlerë prej 14.3 milionë dollarësh dhe një pjesë e kësaj shume do të shkojë për meteorologji. Kjo tregon se i kemi kushtuar shumë rëndësi metrologjisë, sepse është një fushë kryesore e cilësisë”, ka thënë Hasani gjatë konferencës. Ministri theksoi se sistemi metrologjik i Kosovës është pjesë e infrastrukturës kombëtare teknike të cilësisë. “Cilësia e shërbimeve metrologjike të konfirmuara me anë të akreditimit është baza për cilësinë e produkteve dhe shërbimeve kosovare. Ministria e Tregtisë dhe Industrisë dhe Agjencia e Metrologjisë së Kosovës me politikat e tyre dhe objektivat e ndërtimit të sistemit metrologjisë, synojnë që të sigurojnë shërbime metrologjike sa më profesionale e cilësore, në kuadër të laboratoreve ekzistuese të cilët janë nën menaxhimin e AMK-së”, tha Hasani.

Kontrolloni gjithashtu

Kuvendi komunal i Rahovecit mbajti mbledhjen e rregullt të njëmbëdhjetën për këtë vit kalendarik

Udhëhequr nga Kryesuesi – Arbër Zenuni, u mbajt seanca e muajit nëntor, e njëmbëdhjeta e …

Radio Kosova e Lirë 94.2 FM
Kjo web faqe mirëmbahet nga Radio Kosova e Lirë. Materialet dhe informacionet të cilat janë pronë e radios Kosova e Lirë dhe redaksisë “Dëshmorët e UÇK-së” nuk mund të kopjohen, të shtypen, ose të përdoren në çfarëdo forme tjetër për qëllime përfitimi. Radio Kosova e Lirë mban të drejtat e rezervuara sipas dispozitave ligjore për të drejtat e autorit dhe pronës intelektuale. © Copyright 2005 - 2024, Të gjitha të drejtat e rezervuara