Radio Kosova e Lirë Radio-Kosova e Lirë, Radio e luftës çlirimtare, paqes dhe bashkimit kombëtar, Zëri i lirisë, besnikja e pavarësisë dhe e bashkimit të shqiptarëve.
Tema të tjera...
Deputeti i Vetëvendosjes, Glauk Konjfuca, pak para votimit të Propozim-Rezolutës nga debati parlamentar në lidhje me Raportin e Progresit për Republikën e Kosovës, u ‘përplas’ me deputetin e PDK-së, Memli Krasniqi i cili nuk u pajtua me disa pika të këtij propozimi. Konjufca me këtë rast tha se e kupton se ku po e prek kjo rezolutë Memli Krasniqin, pasi që sipas tij mos përkrahja e tij ka të bëjë me pikën e kësaj rezolute për konfiskimin e pasurisë së paligjshme. Ai i kërkoi Krasniqit dhe PDK-së në përgjithësi që të tregojnë më sakt ku e ka problemin me këtë propozim rezolutë. “Unë kur shpërthej, shpërthej vetëm ndaj dy dyfytyrësisë dhe ndaj pafytyrësisë, kështu që reagimi im ishte ndaj pafytyrësisë së përfaqësuesve të juaj në këtë çështje. E dyta mos manipulo se është e ulët dhe nuk të beson askush. Këto janë pjesë e programit të Qeverisë dhe janë aty, nuk ju ka mbetur juve të bëni propozime të tilla, të paktën jo tani”, tha shefi i grupit parlamentar të PDK-së, Memli Krasniqi.
