Radio Kosova e Lirë Radio-Kosova e Lirë, Radio e luftës çlirimtare, paqes dhe bashkimit kombëtar, Zëri i lirisë, besnikja e pavarësisë dhe e bashkimit të shqiptarëve.
Tema të tjera...
Aleanca për Ardhmërinë e Kosovës ka filluar zgjedhjet e brendshme, në bazë të statutit të partisë, që duhet mbajtur në çdo tri vjet. Ndërkohë, sekretari i përgjithshëm i kësaj partie, tashmë deputet i Kuvendit të Kosovës, Blerim Kuçi ka treguar objektivat që kanë nga këto zgjedhje të brendshme. Përmendi zgjedhjet nacionale dhe tha se Aleanca do të jetë fituese bindëse e tyre. Kuçi ka deklaruar se nuk kanë plan B. “Objektivat e Aleancës për strukturat e dala nga zgjedhjet politike 2018 janë: fitore e Aleancës në zgjedhjet shtetërore si nacionale ashtu edhe lokale, pra parti e parë në nivel vendi dhe nuk ka objektiv B. Nga strukturat e dala nga këto zgjedhje presim vetëm fitore. I vetmi objektiv është fitorja. Strukturat e ardhshme duhet me dashtë, me mujt dhe me ba fituese Aleancën në nivel vendi”, ka deklaruar Kuçi. Faza e parë e zgjedhjeve të brendshme të kësaj partie tashmë ka përfunduar dhe është afër përfundimit të fazës tjetër. Blerim Kuçi ka qenë edhe kryetar i Therandës nga radhët e AAK-së.
