Vajzat e Kërvasarisë, kampion të Kosovës në garat shkollore në futsall

05/06/2018 Institucionet

Në kuadër të garave të sportit shkollor, sukseseve të shkollave të Komunës së Malishevës, ju shtua edhe ekipi i vajzave të shkollës “28 Nëntori” nga Kërvasaria, të cilat u bënë kampion të Kosovës, duke zënë vendin e parë. Për këtë sukses të arritur, ekipin e futsallit e kanë pritur Kryetari i Komunës së Malishevës, Ragip Begaj dhe drejtori komunal i arsimit, Blerim Thaçi, të cilët i kanë uruar nxënëset, për suksesin e treguar. “Na keni bërë krenar me suksesin tuaj, ku krahas shkollave tjera, edhe ju keni arritur të jeni më të suksesshmet në nivel Republike. Kjo tregon se mësimdhënësit tanë janë të përkushtuar në punën e tyre, e po ashtu edhe ju si nxënës jeni të përkushtuar dhe këtë më së miri e keni treguar, pasi keni zënë vendin e parë në vend. Ne ju urojmë suksese edhe të mëtutjeshme në garat tjera, në të gjitha fushat”, tha kryetari Begaj, gjatë pritjes për ekipin e futsallit të SHFMU “28 Nëntorit” nga Kërvasaria. Edhe drejtori komunal për arsim dhe edukim, Blerim Thaçi, i ka uruar nxënëset e kësaj shkolle për suksesin e treguar, si dhe i ka uruar edhe të gjitha shkollat tjera të Komunës së Malishevës, që në garat republikane të sportit shkollor, janë shpallur kampion. Garat në të gjitha fushat e sportit shkollor, janë organizuar nga Federata e Pedagogëve të Sporti Shkollor në Kosovë.

Kontrolloni gjithashtu

Kuvendi komunal i Rahovecit mbajti mbledhjen e rregullt të njëmbëdhjetën për këtë vit kalendarik

Udhëhequr nga Kryesuesi – Arbër Zenuni, u mbajt seanca e muajit nëntor, e njëmbëdhjeta e …

Radio Kosova e Lirë 94.2 FM
Kjo web faqe mirëmbahet nga Radio Kosova e Lirë. Materialet dhe informacionet të cilat janë pronë e radios Kosova e Lirë dhe redaksisë “Dëshmorët e UÇK-së” nuk mund të kopjohen, të shtypen, ose të përdoren në çfarëdo forme tjetër për qëllime përfitimi. Radio Kosova e Lirë mban të drejtat e rezervuara sipas dispozitave ligjore për të drejtat e autorit dhe pronës intelektuale. © Copyright 2005 - 2024, Të gjitha të drejtat e rezervuara