Më 13.07.2018 në Varrezat e Dëshmorëve të Kombit në Ferizaj nderohet dëshmori Sali Berisha

Nderohet jeta dhe vepra e Dëshmorit të Kombit, Enver Topalli

19/05/2018 Institucionet

Paraditen e sotme, kreu komunal i Ferizajt i prirë nga Kryetari i Komunës, Agim Aliu, shoqëruar edhe nga deputetët e Kuvendit të Kosovës, Elmi Reçica dhe Mexhide Mjaku Topalli, familjarë të dëshmorëve, bashkëluftëtar, përfaqësues të Organizatës së Veteranëve të Ushtrisë Çlirimtare të Kosovës, përfaqësues të Shoqatës së Familjeve të Dëshmorëve dhe Invalidëve të luftës si dhe qindra qytetarë bën homazhe tek Varrezat e Dëshmorëve të Kombit të UÇK-së në Ferizaj në përkujtim të ditës së rënies heroike të Dëshmorit të Kombit, Enver Topalli. Kryetari i Ferizajt, Agim Aliu me këtë rast është shprehur se përkujtimi në ditën e rënies së Dëshmorit të Kombit, Enver Topalli, është homazh për sakrificën, përulje para heroizmit dhe luftës për liri të djemve e vashave të ushtrisë së lavdishme çlirimtare të Kosovës. Edhe kryetari i Shoqatës së Familjeve të Dëshmorëve në Ferizaj, Gafurr Bytyçi ka vlerësuar lartë heroizmin e Dëshmorit të Kombit, Enver Topalli dhe sakrificën e gjithë dëshmorëve dhe të rënëve për lirinë e Kosovës. “Ai pushtet gjakatar e vrau në burg. Ne e përkujtojmë me krenari, mburremi me të , do të mburremi gjithnjë me të, derisa të ekzistoj populli shqiptar” ka thënë Bytyçi. Lorik Topalli, i biri i Dëshmorit të Kombit, Enver Topalli, thotë se si familje janë krenar me veprën e babait . Sipas tij, ecja e Kosovës gjatë këtyre viteve ka shënuar përparime ndonëse ka ende shumë punë për t’u bërë. Në përmbyllje të homazheve u vendosën kurora lulesh tek varri i Dëshmorit të Kombit,Enver Topalli i cili ra heroikisht në Masakrën e Burgut të Dubravës.

Kontrolloni gjithashtu

Kuvendi komunal i Rahovecit mbajti mbledhjen e rregullt të njëmbëdhjetën për këtë vit kalendarik

Udhëhequr nga Kryesuesi – Arbër Zenuni, u mbajt seanca e muajit nëntor, e njëmbëdhjeta e …

Radio Kosova e Lirë 94.2 FM
Kjo web faqe mirëmbahet nga Radio Kosova e Lirë. Materialet dhe informacionet të cilat janë pronë e radios Kosova e Lirë dhe redaksisë “Dëshmorët e UÇK-së” nuk mund të kopjohen, të shtypen, ose të përdoren në çfarëdo forme tjetër për qëllime përfitimi. Radio Kosova e Lirë mban të drejtat e rezervuara sipas dispozitave ligjore për të drejtat e autorit dhe pronës intelektuale. © Copyright 2005 - 2024, Të gjitha të drejtat e rezervuara