Agim Aliu po synon për mandatin e dytë nga PDK në Ferizaj por pa bërë koalicione me paritë e tjera politike

Ferizaj nënshkruan marrëveshje bashkëpunimi me Zyrën e Këshillit të Evropës për promovimin e të drejtave të komunitetit rom dhe ashkanli

31/05/2018 Institucionet

Në mesditë, Kryetari i Komunës së Ferizajt, Agim Aliu i shoqëruar edhe nga zyrtarë të tjerë komunal ka marr pjesë në Konferencën Nisëse të Programit ROMACTED për Promovimin e Qeverisjes së Mirë dhe Fuqizimit të Komuniteteve Rome në Nivel Lokal, program ky i përbashkët në mes Bashkimit Evropian dhe Këshillit të Evropës. Në adresimin e tij në këtë konferencë, duke theksuar rëndësinë që ka progresi i agjendës së qeverisë lokale në mbrojtjen dhe promovimin e të drejtave të njeriut, rrjedhimisht të pjesëtarëve të komuniteteve rom dhe ashkanli, i pari i Ferizajt tha se është komuna jonë është ndër qendrat kryesore në Republikën tonë, në respektimin dhe promovimin e diversitetit kulturor, etnik e fetar. “Ferizaj, qyteti që unë drejtoj, është ndër qendrat kryesore në Republikën tonë, në respektimin dhe promovimin e diversitetit kulturor, etnik e fetar. Bashkëqytetarët e mi ndajnë të njëjtin fat barabarësisht me të gjitha komunitetet përbërëse të shoqërisë sonë. Në planin e qeverisjes lokale, gjegjësisht politikave lokale, më lejoni të nderuar të theksoj se gjithë mekanizmi komunal, organet e saja vartëse dhe sektorët ekzekutiv kanë në agjendën e tyre të punës, avancimin e të drejtave komunitare me theks të veçantë rome e ashkanli, si pjesë e pashmangshme e vendimmarrjes lokale. Pa modesti, mund ta them se Ferizaj është kampion në përfshirjen e komuniteteve pakicë në planet e politikat, vendimmarrjen e konsultën në nivel të qeverisjes lokale. Edhe ky program sot, programi ROMACTED, në këtë kuadër do të forcoj vendosmërinë tonë për të krijuar politika të qëndrueshme e afatgjatë që kanë për qëllim promovimin e qeverisjes së mirë dhe fuqizimit të komunitetit rom në nivel lokal. Unë si Kryetar Komune, jam i lumtur që përfaqësoj këtu, qytetin që nuk njeh dallime kulturore e etnike, përfaqësoj gjithë qytetarët barabarësisht. Ferizaj është qytet miqësor dhe pranues, divers e optimist në rrugën e promovimit të drejtave qytetare si parim i qeverisjes sime, rrjedhimisht edhe ofrimin e mundësive të barabarta edhe për komunitetet jo shumicë që pasurojnë vlerat e shoqërisë sonë” theksoi Kryetari i Komunës, Agim Aliu. Kryetari i Komunës, falënderoi drejtuesit e Zyrës së Këshillit të Evropës në Prishtinë për përzgjedhjen e komunës sonë për këtë marrëveshje bashkëpunimi, veçanërisht znj. Natalija Apostolova dhe znj. Gallucci për angazhimin drejt progresit të agjendës së të drejtave komunitare në përgjithësi, e të drejtave të komuniteteve jo shumicë në veçanti. Në këtë konferencë, organizatore e së cilës ishte Zyra e Këshillit të Evropës në Prishtinë, prezent ishin kryetarë të komunave tjera, përfaqësues të nivelit qendror dhe lokal si dhe zyrtarë tjerë të akredituar në këtë ngjarje. Mbyllja e konferencës u bë me nënshkrimin e marrëveshjeve të bashkëpunimit mes komunave të përzgjedhura, pjesë e së cilës është edhe Komuna e Ferizajt, si dhe drejtuesve të Zyrës së Këshillit të Evropës në Prishtinë.

Kontrolloni gjithashtu

Dea Shabani shkruan historinë për notin ferizajas

Anëtarja e Klubit të Notit “FERIZAJ”, Dea Shabani ka shkruar historinë për notin ferizajas në …

Radio Kosova e Lirë 94.2 FM
Kjo web faqe mirëmbahet nga Radio Kosova e Lirë. Materialet dhe informacionet të cilat janë pronë e radios Kosova e Lirë dhe redaksisë “Dëshmorët e UÇK-së” nuk mund të kopjohen, të shtypen, ose të përdoren në çfarëdo forme tjetër për qëllime përfitimi. Radio Kosova e Lirë mban të drejtat e rezervuara sipas dispozitave ligjore për të drejtat e autorit dhe pronës intelektuale. © Copyright 2005 - 2024, Të gjitha të drejtat e rezervuara