Policia e Kosovës toleron kriminelët serbë, arreston 2 shqiptarë në veri

20/11/2015 Lajmet

Policia e Kosovës nuk ndërhyu
fare për të liruar rrugën kur banditët serb bllokuan veturën e ministrit,
Avdullah Hoti kur po udhëtonte drejt pikës kufitare në Jarinje. Por, e njëjta
polici nuk kursehet aspak kur janë në pyetje shqiptarët. Hazir Ferati dhe Betim
Osmani, janë arrestuar sot në Lagjen ‘Kroi i Vitakut’ në veri të Mitrovicës.
Arrestimi është bërë teksa ata po punonin në rindërtimin e shtëpive të tyre në
këtë lagje. Ata janë penguar prej ditësh nga ana e inspektorëve komunalë të
komunës veriore të udhëhequr nga Lista ‘Srpska’. Policia në veri e ka
konfirmuar rastin duke thënë se dy të lartpërmendurit janë shoqëruar në stacion
policor dhe më pas janë liruar. Kjo nuk është hera e parë kur raste të tilla
ndodhin në pjesën veriore të Mitrovicës. Rindërtimi i shtëpive të djegura të
shqiptarëve në lagjet veriore të Mitrovicës është penguar në vazhdimësi, dikur
nga administrata e UNMIK-ut e tash nga strukturat kriminale serbe, të
instaluara në komunat veriore. Policia e Kosovës si dhe ajo e EULEX-it gjithmonë
kanë arrestuar banorët shqiptarë, edhe pse ata ishin në të drejtën e tyre për t’i
mbrojtur pronat familjare. Madje, familjeve shqiptare nuk u është ofruar
kurrfarë mbrojtje as atëherë kur janë kërcënuar nga bandat serbe që veprojnë
lirshëm në këto anë. Në të njëjtën kohë, është toleruar ndërtimi i dhjetëra ndërtesave
shumëkatëshe, në të cilat është sistemuar një numër i madh kolonësh serbë, me qëllim
të ndryshimit përfundimtar të strukturës demografike në veri të Mitrovicës.