Filloi faza e parë e zgjerimit të shtratit të lumit në Turjakë

07/06/2018 Institucionet

Ka filluar realizimi i projektit për zgjerimin e shtratit të lumit Mirusha, në fshatin Turjakë të Komunës së Malishevës. Zgjerimi i shtratit të lumit, ishte nevojë e domosdoshme, në mënyrë që të parandalohen vërshimet që shkaktohen nga rrjedha e lumit, ku si pasojë shumë toka bujqësore mbesin të pa shfrytëzuara. Punimet në zgjerimin e shtratit të lumit, i ka parë nga afër edhe nënkryetari i Komunës së Malishevës, Hajdin Berisha. Nënkryetari Berisha, i shoqëruar edhe nga drejtori i inspektoratit, Dibran Kastrati, janë njoftuar me punimet që janë kryer deri më tani, në pjesën më kritike të shtratit të lumit. Si pasojë e rritjes së nivelit të ujit në sezonin e dimrit, lumi Mirusha, në këtë pjesë të Turjakës, kishte dalë nga shtrati, duke e devijuar rrjedhën e tij, dhe si pasojë një pjesë e madhe e tokës bujqësore dhe livadheve, kishte mbetur e pashfrytëzuar deri më tani. Pas zgjerimit të shtratit, nga tani lumi është kthyer në rrjedhën normale të tij, ndërsa tokat në atë pjesë, kanë filluar të thahen dhe të jenë përsëri të shfrytëzueshme nga pronarët. Zgjerimi i shtratit të lumit Mirusha, do të vazhdoj të bëhet edhe në pjesët tjera në këtë fshat, me qëllim të parandalimit të vërshimeve, dëmtimit të tokës bujqësore dhe  rrugës së fshatit.

Kontrolloni gjithashtu

Kuvendi komunal i Rahovecit mbajti mbledhjen e rregullt të njëmbëdhjetën për këtë vit kalendarik

Udhëhequr nga Kryesuesi – Arbër Zenuni, u mbajt seanca e muajit nëntor, e njëmbëdhjeta e …

Radio Kosova e Lirë 94.2 FM
Kjo web faqe mirëmbahet nga Radio Kosova e Lirë. Materialet dhe informacionet të cilat janë pronë e radios Kosova e Lirë dhe redaksisë “Dëshmorët e UÇK-së” nuk mund të kopjohen, të shtypen, ose të përdoren në çfarëdo forme tjetër për qëllime përfitimi. Radio Kosova e Lirë mban të drejtat e rezervuara sipas dispozitave ligjore për të drejtat e autorit dhe pronës intelektuale. © Copyright 2005 - 2024, Të gjitha të drejtat e rezervuara