Kryetari Ragip Begaj, bashkë me vëllezër mundësuan ndërtimin e shtëpisë për Mustafë Hoxhën

13/06/2018 Institucionet

Ka filluar ndërtimi i shtëpisë për familjen e Mustafë Hoxhës nga Bellanica. Ndërtimi i shtëpisë është mundësuar nga Kryetari i Komunës së Malishevës, Ragip Begaj dhe vëllezërit e tij, pasi kryetari Begaj ka ndarë një mijë euro nga paga e tij mujore, ndërsa dy vëllezërit e tij kanë ndarë po ashtu nga një mijë euro nga buxheti i tyre familjar, për ndërtimin e shtëpisë për familjen Hoxha. Gjatë ditës, kryetari Begaj e ka vizituar këtë familje, duke parë nga afër fillimin e punimeve, ndërsa i ka premtuar familjes Hoxha, se pavarësisht se sa do të kushtoj ndërtimi i shtëpisë, ajo do të ndërtohet edhe nëse nuk mjaftojnë këto mjete, pasi vëllezërit e tij, kanë shprehur gatishmërinë për ndërtimin e plotë të shtëpisë. Nga ana tjetër, Mustafë Hoxha e ka falënderuar kryetarin dhe familjen Begaj, për ndihmën e dhënë për familjen e tij, pasi deri më tani, shtëpia dhe hapësira që kanë pasur, nuk ju ka mjaftuar për banim, ndërsa për shkak të gjendjes jo të mirë ekonomike, nuk kanë pasur mundësi që të ndërtojnë shtëpinë. Përndryshe, kryetari Begaj, në vazhdimësi i ndihmon familjet në nevojë, me mjete nga paga e tij mujore, si Kryetar i Komunës.

Kontrolloni gjithashtu

Kuvendi komunal i Rahovecit mbajti mbledhjen e rregullt të njëmbëdhjetën për këtë vit kalendarik

Udhëhequr nga Kryesuesi – Arbër Zenuni, u mbajt seanca e muajit nëntor, e njëmbëdhjeta e …

Radio Kosova e Lirë 94.2 FM
Kjo web faqe mirëmbahet nga Radio Kosova e Lirë. Materialet dhe informacionet të cilat janë pronë e radios Kosova e Lirë dhe redaksisë “Dëshmorët e UÇK-së” nuk mund të kopjohen, të shtypen, ose të përdoren në çfarëdo forme tjetër për qëllime përfitimi. Radio Kosova e Lirë mban të drejtat e rezervuara sipas dispozitave ligjore për të drejtat e autorit dhe pronës intelektuale. © Copyright 2005 - 2024, Të gjitha të drejtat e rezervuara