Kryetari i Ferizajt, Agim Aliu priti në takim zv.ministrin e Inovacionit dhe Ndërmarrësisë, Bujar Cakolli

13/06/2018 Institucionet

Pasditen e së mërkurës, Kryetari i Komunës së Ferizajt, Agim Aliu ka pritur në takim zëvendësministrin në Ministrinë e Inovacionit dhe Ndërmarrësisë, Bujar Cakolli. Temë e diskutimeve në këtë takim ishte funksionalizimi i Qendrës së Inovacionit dhe Ndërmarrësisë në Ferizaj, pako e masave të nivelit lokal dhe qendror për nxitjen e bizneseve të reja nga të rinjtë, startup bizneset, platformat elektronike të transparencës komunale si dhe projekte të tjera që nxisin punësimin e të rinjve. Kryetari Aliu falënderoi për vizitën zv.ministrin Cakolli duke falënderuar edhe njëherë Ministrinë e Inovacionit dhe Ndërmarrësisë për projektin e hapjes së Qendrës së Inovacionit dhe Ndërmarrësisë në Ferizaj, projekt ky që po realizohet për herë të parë në Komunën e Ferizajt. Në anën tjetër, zv.ministri Cakolli falënderoi Kryetarin Aliu për pritjen dhe bashkëpunimin duke e siguruar këtë të fundit se bashkëpunimi mes Ministrisë së Inovacionit dhe Ndërmarrësisë dhe Komunës së Ferizajt do të intensifikohet edhe me projekte të tjera.

Kontrolloni gjithashtu

Kuvendi komunal i Rahovecit mbajti mbledhjen e rregullt të njëmbëdhjetën për këtë vit kalendarik

Udhëhequr nga Kryesuesi – Arbër Zenuni, u mbajt seanca e muajit nëntor, e njëmbëdhjeta e …

Radio Kosova e Lirë 94.2 FM
Kjo web faqe mirëmbahet nga Radio Kosova e Lirë. Materialet dhe informacionet të cilat janë pronë e radios Kosova e Lirë dhe redaksisë “Dëshmorët e UÇK-së” nuk mund të kopjohen, të shtypen, ose të përdoren në çfarëdo forme tjetër për qëllime përfitimi. Radio Kosova e Lirë mban të drejtat e rezervuara sipas dispozitave ligjore për të drejtat e autorit dhe pronës intelektuale. © Copyright 2005 - 2024, Të gjitha të drejtat e rezervuara