MPMS dhe organizata gjermane ASB nënshkruan memorandum për rritje të përkrahjes sociale

25/06/2018 Institucionet

Ministria e Punës dhe Mirëqenies Sociale (MPMS) dhe Organizata Gjermane “Arbeiter-Samariter-Bund (ASB)” nënshkruan Memorandumin e Bashkëpunimit në kuadër të implementimit të projektit, “Iniciativa për Dimension Social të Integrimit Evropian” për Ballkanin Perëndimor. Marrëveshja u nënshkrua nga Ministri i Punës dhe Mirëqenies Sociale, Skender Reçica dhe drejtori i ASB-së për Evropën Juglindore, Emir Bojadziç. Qëllimi i këtij memorandumi është avancimi i sistemit të mbrojtjes sociale dhe ngritja e kapaciteteve të qeverive lokale, si dhe përkrahja e grupeve të ndryshme sociale, nëpërmjet implementimit të projektit “Iniciativat për Dimension Social”. Bojadziç falënderoi ministrin Reçica për gatishmërinë për bashkëpunim të vazhdueshëm ku tashmë ASB dhe MPMS veçse kanë nënshkruar një marrëveshje  gjatë muajit mars të këtij vit për stabilitet socio-ekonomik të komuniteteve etnike pakicë dhe shumicë. inistri Reçica shprehi gatishmërinë e plotë të tij dhe të MPMS-së për të bashkëpunuar me organizatën ASB, me qëllim të përmirësimit të mirëqenies sociale të qytetarëve të Kosovës dhe në kuadër të kësaj falënderoi z.Bojadziç për përkrahjen që organizata po i jep Kosovës në këtë pikë. Reçica tha se MPMS do të përbush të gjitha obligimet e nevojshme në bazë të memorandumit të nënshkruar  që kanë të bëjnë me selektimin e  disa komunave që ballafaqohen me probleme më të mëdha në fushën sociale ku do të implementohen projektet e ASB-së.

Kontrolloni gjithashtu

Kuvendi komunal i Rahovecit mbajti mbledhjen e rregullt të njëmbëdhjetën për këtë vit kalendarik

Udhëhequr nga Kryesuesi – Arbër Zenuni, u mbajt seanca e muajit nëntor, e njëmbëdhjeta e …

Radio Kosova e Lirë 94.2 FM
Kjo web faqe mirëmbahet nga Radio Kosova e Lirë. Materialet dhe informacionet të cilat janë pronë e radios Kosova e Lirë dhe redaksisë “Dëshmorët e UÇK-së” nuk mund të kopjohen, të shtypen, ose të përdoren në çfarëdo forme tjetër për qëllime përfitimi. Radio Kosova e Lirë mban të drejtat e rezervuara sipas dispozitave ligjore për të drejtat e autorit dhe pronës intelektuale. © Copyright 2005 - 2024, Të gjitha të drejtat e rezervuara