Kryetari Aliu mori pjesë në ceremoninë e publikimit të Raportit të Performancës së Komunave për vitin 2017 dhe ndarjen e shpërblimeve për Komunat

29/06/2018 Institucionet

Paraditen e së premtes, Kryetari i Komunës së Ferizajt, Agim Aliu mori pjesë në ceremoninë e publikimit të Raportit të Performancës së Komunave për vitin 2017 dhe ndarjen e shpërblimeve për Komunat, organizuar nga Ministria e Administrimit të Pushtetit Lokal. Në këtë ceremoni, Sekretarja e Përgjithshme e MAPL-së, Rozafa Ukimeraj njoftoi për rezultatet e komunave dhe të gjeturat në raportin e performancës së komunave për vitin 2017. Në emër të komunave, kryetarët e saj morën mirënjohjen për rezultatet e arritura në përmirësimin e shërbimeve komunale, gjegjësisht rritjes së performancës në shërbimet ndaj qytetarëve. Kryetari i Ferizajt, Agim Aliu pranoi mirënjohjen duke e vlerësuar këtë grant, të rëndësishëm për implementimin e disa projekteve zhvillimore të Komunës së Ferizajt. Komuna e Ferizajt ka përfituar nga granti i performancës një shumë prej afro 300,000€. Edhe kjo ngjarje është pjesë e angazhimeve të MAPL-së për të inkurajuar Komunat e Republikës së Kosovës për të shfrytëzuar sistemin e performancës për përmirësimin e ofrimit të shërbimeve publike komunale për qytetarët.

Kontrolloni gjithashtu

Kuvendi komunal i Rahovecit mbajti mbledhjen e rregullt të njëmbëdhjetën për këtë vit kalendarik

Udhëhequr nga Kryesuesi – Arbër Zenuni, u mbajt seanca e muajit nëntor, e njëmbëdhjeta e …

Radio Kosova e Lirë 94.2 FM
Kjo web faqe mirëmbahet nga Radio Kosova e Lirë. Materialet dhe informacionet të cilat janë pronë e radios Kosova e Lirë dhe redaksisë “Dëshmorët e UÇK-së” nuk mund të kopjohen, të shtypen, ose të përdoren në çfarëdo forme tjetër për qëllime përfitimi. Radio Kosova e Lirë mban të drejtat e rezervuara sipas dispozitave ligjore për të drejtat e autorit dhe pronës intelektuale. © Copyright 2005 - 2024, Të gjitha të drejtat e rezervuara