Ministri Reçica po qëndron në vizitë zyrtare në Gjermani

02/07/2018 Institucionet

Ministri i Punës dhe Mirëqenies Sociale Skender Reçica me ftesë të Ministrit Federal të Gjermanisë për zhvillim dhe bashkëpunim ekonomik Gerd Müller, po qëndron në vizitë zyrtare në Berlin, Gjermani, për të marrë pjesë në konferencën e organizuar për Ballkanin Perëndimor, ”Dinamikat e reja të teknikave për edukim dhe aftësim profesional”, (New Dynamics of Technical and Vocational Education in the Western Balkans), 2-4 korrik 2018. Në këtë konferencë do të diskutohen trendet dhe diversiteti i ndryshimit të kompetencave nëpërmjet digjitalizimit, dinamika e tregut të punës, kërkesat për formimin e shkathtësive, ndikimet në sistemin dhe nivelin e zbatimit, të cilat ndodhin nëpërmjet ndryshimit të kërkesave të kompetencave. Në këtë konferencë marrin pjesë Ministra të dikastereve përkatëse nga vende të Ballkanit Perëndimor dhe disa Ministra të tjerë nga vendet e BE-së. Ministri Reçica është një ndër Ministrat e parë që është ftuar nga Qeveria Gjermane që nga themelimi i saj këtë mandat, për të marrë pjesë zyrtarisht në këtë konferencë shumë të rëndësishme për Ballkanin Perëndimor dhe procesin e integrimit në Bashkimin Evropian.

Kontrolloni gjithashtu

Komuna e Vitisë organizon tryezë diskutimi për aktivizimin kundër dhunës ndaj gruas

Komuna e Vitisë, përmes zyrës së kryetarit dhe Zyrës për Barazi Gjinore, ka mbajtur sot …

Radio Kosova e Lirë 94.2 FM
Kjo web faqe mirëmbahet nga Radio Kosova e Lirë. Materialet dhe informacionet të cilat janë pronë e radios Kosova e Lirë dhe redaksisë “Dëshmorët e UÇK-së” nuk mund të kopjohen, të shtypen, ose të përdoren në çfarëdo forme tjetër për qëllime përfitimi. Radio Kosova e Lirë mban të drejtat e rezervuara sipas dispozitave ligjore për të drejtat e autorit dhe pronës intelektuale. © Copyright 2005 - 2024, Të gjitha të drejtat e rezervuara