Ministri Gashi, do të përmbushim të gjitha detyrimet tona që dalin nga Strategjia për Parandalimin e Ekstremizmit të dhunshëm

03/07/2018 Institucionet

Nën patronatin e  Ministrit Kujtim Gashi, është mbajtur konferenca për lansimin e projekteve të  përkrahura nga Ministria e Kulturës, Rinisë dhe Sportit, në fushën e Sigurisë Njerëzore përkatësisht projektet për Parandalimin e Ekstremizmit të Dhunshëm. Pikërisht për këtë qëllim Ministria e Kulturës, Rinisë dhe Sportit ka ofruar mbështetje financiare për 19 organizata të shoqërisë civile duke përfshirë këtu edhe qendra rinore, projekte këto që kontribuojnë në Parandalimin e ekstremizmit të dhunshëm, për të cilat MKRS është e mandatuar. Ministri Gashi ka bërë nënshkrimin e kontratave me përfituesit e këtij programi me ç’rast theksoj se “Duke qenë se ekstremizmi i dhunshëm është një dukuri globale dhe aktualisht, përbën një kërcënim serioz ndaj paqes e sigurisë ndërkombëtare, MKRS mbetet e përkushtuar në Parandalimin e Ekstremizmit të Dhunshëm dhe Radikalizmit që shpie në Terrorizëm që ka për qëllim parandalimin e ekstremizmit nëpërmjet mbështetjes së edukimit për tolerancë dhe aksesit në zhvillimet profesionale në mbarë vendin, me përfshirjen dhe angazhimin e institucioneve qendrore, lokale, si dhe komuniteteve fetare dhe shoqërisë civile”. “Ne do të bëjmë përpjekje për të vazhduar dhe nxitur edhe më tutje vlerat demokratike si dhe promovuar traditën e bashkëjetesës fetare midis komuniteteve. Vizioni ynë i përbashkët është të kultivojmë një shoqëri që mbështetet mbi respektin që ndajmë bashkërisht për të drejtat e njeriut, shtetin e së drejtës, barazinë dhe liritë themelore në Kosovë” ka thënë ndër të tjera ministri Gashi. “Ne jemi të vetëdijshëm që sfida për qeveritë edhe për aktorët e tjerë janë të mëdha mirëpo angazhimi ynë i përbashkët veçanërisht me komunitetin e të rinjve do të sjellë edhe më tej rezultate të prekshme në parandalim. Adresimi i këtyre sfidave me qëllim të parandalimit të ekstremizmit të dhunshëm të dhunshëm dhe radikalizmit përbënë një çështje urgjente për Republikën e Kosovës. Andaj edhe njëherë zotohemi që do të përmbushim të gjitha detyrimet tona për të cilën  Qeveria e Kosovës ka mandatuar Ministrinë e Kulturës, Rinisë dhe Sportit në Strategjinë për e Parandalimit e Ekstremizmit të dhunshëm dhe Radikalizmit që shpie në Terrorizëm 2015-2020 tha gjatë fjalës së tij Ministri i MKRS-së. Ndërsa Kreshnik Xharra, Ushtrues Detyre i drejtorit të Departamentit të Rinisë në MKRS, tha se presim bashkëpunim të frytshëm dhe serioz me organizatat. “Presim që të kemi partneritet të frytshëm dhe seriozitet në realizimin e synimeve tona”. Mensur Morina nga organizata Liza, përfitues i një projekti, deklaroi se do të luftojnë radikalizmin e dhunshëm përmes realizimit të këtyre projekteve. “Jemi me fat që gjendemi këtu dhe jemi përfitues i një fondi. Do të luftojmë dhe do ta parandalojmë radikalizmin e dhunshëm që shpie në terrorizëm”.

Kontrolloni gjithashtu

Kuvendi komunal i Rahovecit mbajti mbledhjen e rregullt të njëmbëdhjetën për këtë vit kalendarik

Udhëhequr nga Kryesuesi – Arbër Zenuni, u mbajt seanca e muajit nëntor, e njëmbëdhjeta e …

Radio Kosova e Lirë 94.2 FM
Kjo web faqe mirëmbahet nga Radio Kosova e Lirë. Materialet dhe informacionet të cilat janë pronë e radios Kosova e Lirë dhe redaksisë “Dëshmorët e UÇK-së” nuk mund të kopjohen, të shtypen, ose të përdoren në çfarëdo forme tjetër për qëllime përfitimi. Radio Kosova e Lirë mban të drejtat e rezervuara sipas dispozitave ligjore për të drejtat e autorit dhe pronës intelektuale. © Copyright 2005 - 2024, Të gjitha të drejtat e rezervuara