Kryetari Begaj, priti komandantin e kontingjentit italian të KFOR-it

06/07/2018 Institucionet

Kryetari i Komunës së Malishevës, Ragip Begaj, ka pritur në një takim me karakter njohës, komandantin e kontingjentit italian të KFOR-it, kapitenin Ruggero Cucchini. Vizita e komandantit të kontingjentit italian, është bërë në kuadër të njohjes me komunat, pas marrjen së mandatit të komandës. Kryetari Begaj, e ka falënderuar për vizitën dhe e ka njoftuar komandantit italian, për Malishevën në përgjithësi, e në veçanti që nga pas lufta e deri më tani, me zhvillimet, popullsinë dhe nevojat që ka Malisheva. Kryetari Begaj, po ashtu e ka falënderuar për bashkëpunimin e deritanishëm dhe për ndihmën e vazhdueshme të KFOR-it. “Vet prezenca juaj këtu, neve na jep siguri dhe kjo është ndihmë e madhe për neve, e gjithashtu edhe ndihma konkrete përmes investimeve, neve si organe të qeverisjes lokale, na ka ndihmuar shumë dhe për këtë ju jemi mirënjohës”, tha kryetari Begaj, gjatë bisedës me komandantin italian. Nga ana tjetër, komandanti i kontingjentit italian të KFOR-it, kapiteni Ruggero Cucchini, tha se “populli i Kosovës dhe organet shtetërore të Kosovës, kanë punuar shumë që nga paslufta dhe kjo shihet në terren dhe në krahasimin e gjendjes nga paslufta e deri më tani”. Përndryshe Begaj dhe Cucchini, kanë shprehur gatishmërinë e vazhdimit të bashkëpunimit mes komunës dhe kontingjentit italian, edhe në të ardhmen. “Ne jemi për krijimin e sigurisë këtu, por situata e qetë na krijon kushte që edhe të bëjmë investime të vogla në fushat e caktuara, në shërbim të qytetarëve”, tha komandanti Cucchini.

Kontrolloni gjithashtu

Kuvendi komunal i Rahovecit mbajti mbledhjen e rregullt të njëmbëdhjetën për këtë vit kalendarik

Udhëhequr nga Kryesuesi – Arbër Zenuni, u mbajt seanca e muajit nëntor, e njëmbëdhjeta e …

Radio Kosova e Lirë 94.2 FM
Kjo web faqe mirëmbahet nga Radio Kosova e Lirë. Materialet dhe informacionet të cilat janë pronë e radios Kosova e Lirë dhe redaksisë “Dëshmorët e UÇK-së” nuk mund të kopjohen, të shtypen, ose të përdoren në çfarëdo forme tjetër për qëllime përfitimi. Radio Kosova e Lirë mban të drejtat e rezervuara sipas dispozitave ligjore për të drejtat e autorit dhe pronës intelektuale. © Copyright 2005 - 2024, Të gjitha të drejtat e rezervuara