leoni

Edhe në fshatin Gurishtë zgjerohet rrjeti i kanalizimit

09/07/2018 Institucionet

Edhe në fshatin Gurishtë të Komunës së Malishevës, ka filluar zgjerimi i rrjetit të kanalizimit, përkatësisht ka filluar rregullimi i kanalizimit në një pjesë të fshatit që deri më tani nuk kanë qenë të kyçur në sistemin e kanalizimit, për shkak të  terrenit, ndërsa nga tani edhe kjo pjesë e fshatit do ta ketë të zgjidhur këtë problem. Në fillimin e punimeve mori pjesë edhe nënkryetari i Komunës së Malishevës, Hajdin Berisha, i shoqëruar edhe nga drejtori i Drejtorisë së Urbanizimit, Islam Vrenezi dhe kryetari i fshatit Afrim Mazreku, si dhe banorë të fshatit. “Rregullimi i infrastrukturës dhe zgjidhja e problemeve infrastrukturore për komunitetin, është obligim i yni si qeveri komunale, e në kuadër të këtij obligimi, ne jemi duke e realizuar edhe këtë projekt, sikur edhe në fshatrat tjerë, për zgjerimin e rrjetit të kanalizimit”, tha nënkryetari Berisha, gjatë vizitës së sotme në Gurishtë, me rastin e fillimit të punimeve në zgjerimin e kanalizimit. Ndërsa drejtori i urbanizmit, Islam Vrenezi, ka sqaruar se në këtë projekt, janë të parapara të rregullohen rreth një mijë metra kanalizim, të cilat janë të mjaftueshme për kyçjen e kësaj pjese të fshatit, me rrjetit tjetër të kanalizimit, dhe ndërtimi i këtij rrjeti të kanalizimit, mundësohet nga buxheti komunal i Malishevës. Nga ana tjetër, kryetari i fshatit Gurishtë, Afrim Mazreku, e ka falënderuar komunën, për përfshirjen e fshatit të tyre për rregullimin e kanalizimit, pasi kjo ka qenë shumë e nevojshme, sepse kjo pjesë e fshatit, më herët nuk ka pasur mundësi të lidhet me pjesën tjetër të rrjetit të kanalizimit, për shkak të konfiguracionit të terrenit në Gurishtë.

Kontrolloni gjithashtu

Kuvendi komunal i Rahovecit mbajti mbledhjen e rregullt të njëmbëdhjetën për këtë vit kalendarik

Udhëhequr nga Kryesuesi – Arbër Zenuni, u mbajt seanca e muajit nëntor, e njëmbëdhjeta e …

Radio Kosova e Lirë 94.2 FM
Kjo web faqe mirëmbahet nga Radio Kosova e Lirë. Materialet dhe informacionet të cilat janë pronë e radios Kosova e Lirë dhe redaksisë “Dëshmorët e UÇK-së” nuk mund të kopjohen, të shtypen, ose të përdoren në çfarëdo forme tjetër për qëllime përfitimi. Radio Kosova e Lirë mban të drejtat e rezervuara sipas dispozitave ligjore për të drejtat e autorit dhe pronës intelektuale. © Copyright 2005 - 2024, Të gjitha të drejtat e rezervuara