Radio Kosova e Lirë Radio-Kosova e Lirë, Radio e luftës çlirimtare, paqes dhe bashkimit kombëtar, Zëri i lirisë, besnikja e pavarësisë dhe e bashkimit të shqiptarëve.
Tema të tjera...
Grupi parlamentar i LDK-së me të filluar seanca është larguar nga salla duke kërkuar që shumica ta bëjë kuorumin me qëllim që ata të kthehen për të votuar. “Kemi mbetur te miratimi i rendit të ditës. Nuk mund të vazhdojmë pa e miratuar atë. Në emër të LDK-së, Nëse nuk arrini t’i keni 61 deputetë të koalicionit në kuvend ne do t’i presim 30 minuta bëjeni kuorumin ne do të marrim pjesë në vazhdimin e seancë, ka thënë Zema. Shefi i Grupit Parlamentar të PDK-së, Memli Krasniqi, veprimin e LDK-së e ka quajtur inskenim. Ai madje tha se LDK-ja ka vetëm 7 deputetë në sallë që kanë ardhur vetëm për mëditje. Ahmet Isufi nga AAK e ka quajtur të turpshëm vendimin e partisë më të madhe në opozitë. Shefi i Grupit Parlamentar të Vetëvendosjes, Glauk Konjufca, në anën tjetër, tha se bojkoti i Kuvendit është strategji politike dhe veprim me vend nga ana e LDK-së. Seanca po vazhdon edhe pa Lidhjen Demokratike të Kosovës, përderisa nuk ka kuorum për të votuar projektligjet në rend dite. Ka disa muaj rresht që Kuvendi nuk ka kuorum për të miratuar ligjet.
