Radio Kosova e Lirë Radio-Kosova e Lirë, Radio e luftës çlirimtare, paqes dhe bashkimit kombëtar, Zëri i lirisë, besnikja e pavarësisë dhe e bashkimit të shqiptarëve.
Tema të tjera...
Grupi Parlamentar i PSD-së ka propozuar sot që në Kuvendin e Kosovës të vihet si pikë e rendit të ditës, çështja e dialogut me Serbinë. Visar Ymeri e ka bërë këtë kërkesë në fillim të seancës së sotme duke thënë se arsyeja është se dialogu me Serbinë po vazhdon nga zyra e presidentit ndërkohë që siç tha, Kuvendi është totalisht i anashkaluar nga vendimmarrja. “Dua ta ngris një çështje urgjente që ta kemi pikë të rendit të ditës, që është dialogu me Serbinë e cila po vazhdon nga zyra e presidentit dhe në të cilin Kuvendi është totalisht i anashkaluar nga vendimmarrja. Në mbështetje të nenit 65 të rregullores paraprake, ta diskutojmë sot si çështje urgjente e më pas do të propozojmë rezolutë, e ne propozojmë që vendimmarrja t’i bartet Kuvendit”, ka thënë Ymeri. Grupet parlamentare të LDK-së dhe VV-së e kanë mbështetur propozimin ndërkohë që PDK-ja, AAK-ja e NISMA jo
