Radio Kosova e Lirë Radio-Kosova e Lirë, Radio e luftës çlirimtare, paqes dhe bashkimit kombëtar, Zëri i lirisë, besnikja e pavarësisë dhe e bashkimit të shqiptarëve.
Tema të tjera...
Kreu i Aleancës për Ardhmërinë e Kosovës, Ramush Haradinaj e ka quajtur historike Deklaratën Kushtetuese të korrikut të vitit 1990. Sipas tij, miratimi i kësaj Deklarate nga 111 deputetët e Kuvendit të atëhershëm të Kosovës, me të cilën shpallej Kosova si njësi e barabartë në federatën apo konfederatën jugosllave, ishte hapi i parë institucional drejt pavarësimit të Kosovës. “111 deputetët shqiptarë, dhe të tjerë nga radhët e pakicave jo-serbe, me aktin e tyre treguan pjekuri dhe përgjegjësi të lartë politike, në raport me proceset që po kalonte Kosova, në kontekstin e atëhershëm kohor. Të gjithë ata, pa përjashtim, duhet ta gëzojnë statusin e deputetit dhe të gjitha privilegjet që shkojnë me këtë status. Shteti dhe shoqëria e Kosovës, duke e njohur statusin e tyre, e njohin historinë e vet dhe rolin që pati ky brez i deputetëve në rrugëtimin e vështirë e të gjatë të Kosovës për pavarësi”, thuhet në njoftimin e Aleancës për Ardhmërinë e Kosovës.
