Radio Kosova e Lirë Radio-Kosova e Lirë, Radio e luftës çlirimtare, paqes dhe bashkimit kombëtar, Zëri i lirisë, besnikja e pavarësisë dhe e bashkimit të shqiptarëve.
Tema të tjera...
Shefi i Grupit Parlamentar të AAK-së, Pal Lekaj, përmes një reagimi dërguar medieve thotë se demanti i zonjës Maja Kocijançiq, në përgjigje të qëndrimit të Edita Tahirit se është arritur marrëveshja për njohjen reciproke të tabelave të makinave mes Kosovës e Serbisë, është edhe një dëshmi tjetër se si zonja “marrëveshje” në vazhdimësi thotë gjëra të pavërteta, vetëm e vetëm për vazhduar dialogu, tashmë abuziv, me Serbinë. Lekaj thekson se, “përveç mëditjeve, pagave të majme e sorollatjeve të Edita Tahirit, Kosova nuk e ka asnjë përfitim nga vazhdimi i këtij modeli të bisedimeve”. “Prandaj ka ardhur koha që këto bisedime të ndërpriten e të bëhet një strategji e qartë se si do të dukeshin në të ardhmen bisedimet për gjërat bilaterale në mes dy shteteve, të cilat duhet ta njohin njëra-tjetrën. Serbia ka përfituar shumë duke shfrytëzuar paaftësinë e qeverisë dhe delegacionit të saj që e ka përfaqësuar Edita Tahiri në këto bisedime”, ka nënvizuar Lekaj.
