Deputeti i Aleancës për Ardhmërinë e Kosovës, Shemsedin Dreshaj, ka njoftuar se Statuti i ri i Universitetit të Prishtinës “Hasan Prishtina” do të dërgohet në Gjykatën Kushtetuese. Gjatë një konference për media, Dreshaj akuzoi qeverinë për përpjekje për kapjen e shtetit në çdo nivel, duke theksuar se statuti i ri bie ndesh me ligjin për arsimin e lartë. “Ky statut ka shkelje procedurale dhe është miratuar pa debat publik të duhur me palët e interesit dhe mediat. Grupi i AAK-së ka vendosur të dërgojë këtë vendim në Gjykatën Kushtetuese për vlerësim,” deklaroi Dreshaj.
![Shemsedin Dreshaj: Qeveria Kurti ka dështuar si në rrafshin e brendshëm ashtu edhe në atë ndërkombëtar](https://www.radiokosovaelire.com/wp-content/uploads/shemsedin-dreshaj-660x330.png)