Radio Kosova e Lirë Radio-Kosova e Lirë, Radio e luftës çlirimtare, paqes dhe bashkimit kombëtar, Zëri i lirisë, besnikja e pavarësisë dhe e bashkimit të shqiptarëve.
Tema të tjera...
Aleanca për Ardhmërinë e Kosovës përmes një kumtese ka shfaqur shqetësim të jashtëzakonshëm për papërgjegjësinë institucionale të Kosovës në luftimin e drogave në vend. Qeveria e Kosovës, thotë kumtesa, po dështon si mos më keq në parandalimin dhe largimin e kësaj të keqe nga qytetarët e Kosovës, edhe për shkak të korrupsionit të lartë, transmeton Koha.net. Raporti i djeshëm i Departamentit Amerikan të Shtetit ka dhënë alarmin për nivelin e kalimin e drogës nëpër Kosovë, madje edhe pranimin e zyrtarëve. “Është e vështirë të vlerësohet deri në çfarë mase ndikon korrupsioni në trafikimin e drogës në Kosovë. Ligjet e ndalojnë korrupsionin e ndërlidhur me drogat, por supozimet këmbëngulin se drogat kalojnë përgjatë kufijve të Kosovës, ndonjëherë me pranimin e zyrtarëve”, thuhet ndër të tjera në raportin vjetor të DASH sa i përket Kosovës, përcjell kumtesa e AAK-së. Kosova, edhe njëherë, është vlerësuar se mbetet një vend transit për kontrabandimin e drogave drejt tregjeve tjera evropiane.
