Radio Kosova e Lirë Radio-Kosova e Lirë, Radio e luftës çlirimtare, paqes dhe bashkimit kombëtar, Zëri i lirisë, besnikja e pavarësisë dhe e bashkimit të shqiptarëve.
Tema të tjera...
Aleanca për Ardhmërinë e Kosovës me partnerët në koalicion, kanë mbajur tubimin përmbyllës të fushatës, në qendër të qytetit Pejës. Nga informatat në terren dhe nga publikimet e shumta në rrjetet sociale, është vërejtur një mobilizim i jashtëzakonshëm i Aleancës, në veçanti mbështetësve nga diaspora që kanë ardhur masovikisht për votime. Kandidati për kryeministër i AAK-së, Ramush Haradinaj, ka shkruar për tubimin e madh të kësaj partie me partnerët e saj në qytetin e Pejës Ai ka thënë se Kosova i tha Po – 137.
Po 137, foli populli fitues i Kosovës, njëzëri nga Peja e Haxhi Zekës.
Po 137, se dojmë Autostradën e Dukagjinit, siguri energjetike, energji të prodhuar në vend, me çmim të lirë.
Po 137, për paga mesatare mbi 1000 dhe pensione 500 euro.
Po 137, që çdo i ri që nis biznes të marrë grant pa kthim, që çdo student të ketë bursë, që çdo bujk të përfitojë nga trefishimi i subvencioneve.
Po 137, për mbështetje financiare të punëkërkuesve deri në punësim.
Po 137, për sundimin e ligjit.
Po 137, se jemi mirënjohës për të rënët për liri, për Amerikën e të gjithë aleatët që na ndihmuan në kohëra të vështira.
Po 137, për anëtarësimin direkt në NATO, për siguri të përhershme.
Po 137, për aleancën e pathyeshme me Amerikën.
Po 137, nesër, më 9 shkurt, në kutitë e votimit, në ditën vendimtare.
Po 137, për Kosovën Fituese”, ka shkruar Haradinaj.
