Radio Kosova e Lirë Radio-Kosova e Lirë, Radio e luftës çlirimtare, paqes dhe bashkimit kombëtar, Zëri i lirisë, besnikja e pavarësisë dhe e bashkimit të shqiptarëve.
Tema të tjera...
Fillimi i ndërtimit të xhamisë në fshatin Vitomiricë të Pejës ka aktualizuar sërish reagimet e kundërshtimet e shumta. Ndërtimi i kësaj xhamie u pat pritur me protesta dhe peticione nga banorët e këtij fshati që u shprehën kundër saj. Edhe Drejtoria e Urbanizmit të Komunës së Pejës pat refuzuar dhënien e lejes së ndërtimit së kësaj xhamie me donacione nga Dubai. Disa ditë më vonë kryetari i Pejës, Gazmend Muhaxheri, i jep leje Bashkësisë Islame për ndërtimin dhe injoron vendimin e Urbanizmit. Mirëpo një udhëtim i Muhaxherit në Dubai, pesë muaj pas dhënies së lejes, ku ai ishte takuar me donatorin e xhamisë, do të ishte objekt i një hetimi të mundshëm nga prokuroria, nëse do të dëgjohet kërkesa e Degës së AAK-së në Pejë. Kjo degë të martën ka dalë me një komunikatë me të cilën kërkohet nga prokuroria që t’i nisë hetimet ndaj kreut të Pejës, Gazmend Muhaxheri.
